नवदिल्ली, २५ अगस्तमासः (हि.स.)। प्रधानमन्त्री नरेन्द्रमोदी मङ्गलवासरे सेवातीर्थे प्रगतेः त्रिपञ्चाशत्तमस्य अधिवेशनस्य अध्यक्षतां कृतवान्। अधिवेशने नवभ्यः राज्येभ्यः सम्बद्धानां रेलमार्गस्य, मार्गस्य, विद्युत्क्षेत्रस्य च षण्णां परियोजनानां समीक्षा कृता। एतासां परियोजनानां कुलव्ययः त्रिंशत्सहस्र-कोटिरूप्यकेभ्यः अधिकः अस्ति। प्रधानमन्त्री कार्याणां समयबद्धसमाप्तेः, विभागानां मध्ये समन्वयस्य तथा लम्बितविषयाणां समाधानस्य च विषये बलं दत्तवान्।

प्रधानमन्त्रीकार्यालयस्य अनुसारम् अधिवेशने परियोजनानां प्रगतेः विस्तरेण समीक्षा कृता। प्रधानमन्त्री उक्तवान् यत् आधारभूतसंरचनापरियोजनासु विलम्बस्य प्रभावः केवलं व्ययवृद्धिपर्यन्तं सीमितः न भवति। तेन नागरिकेभ्यः, व्यवसायेभ्यः अर्थव्यवस्थायै च प्राप्तव्याः लाभाः अपि विलम्बिताः भवन्ति। सः परियोजनाः पृथक्-पृथक् भागरूपेण न, अपितु एकीकृतरूपेण दृष्ट्वा तासां निरीक्षणं कर्तुं बलं दत्तवान्।

प्रधानमन्त्रिणा उक्तं यत् पृथक्-पृथक् संकुलानां प्रगतेः अन्तिमं लक्ष्यं सम्पूर्णपरियोजनायाः समये पूर्णता तथा तस्याः सञ्चालनस्य प्रारम्भः भवितव्यम्। सः केन्द्रस्य राज्यसर्वकाराणां च परियोजनानां कार्यान्वयने प्रारम्भात् अन्तपर्यन्तं समग्ररणनीतेः स्वीकरणाय आह्वानं कृतवान्। तेन तासां महत्त्वपूर्णानां न्यूनतानां निवारणेऽपि बलं दत्तं, याभिः सम्पूर्णपरियोजनायाः प्रारम्भे विलम्बः सम्भवति।

सः बृहतीनां परिवहनपरियोजनानां तथा आधारभूतसंरचनापरियोजनानां योजनां कुर्वद्भिः सहभाग-उपयोगितापथानां सम्भावनायाः अन्वेषणाय आह्वानं कृतवान्। एतदर्थं तकनीकीं आर्थिकं च व्यवहार्यतां योजनायाः प्रारम्भिके चरणे एव परीक्षितुं निर्दिष्टवान्। प्रधानमन्त्री इदमपि स्पष्टं कृतवान् यत् परियोजनानां गतिना सह गुणवत्तायाः विषये किमपि सम्झौता न भवेत्। आधुनिकप्रौद्योगिक्याः, उत्तमगुण-वत्तानियन्त्रणस्य प्रभावीनिरीक्षणस्य च स्वीकरणे बलं दत्तम्।

अधिवेशने डिजिटलकृषि-अभियानस्य अन्तर्गतं एग्रीस्टैक् इत्यस्यापि समीक्षा कृता। कृषिसम्बद्धैः आँकडैः श्रेष्ठतराणि परिणामानि प्राप्तुं कृत्रिमबुद्धिमत्तया सह आधुनिकानां डिजिटलप्रौद्योगिकीनां उपयोगे प्रधानमन्त्री बलं दत्तवान्। सः कृषिमूल्यशृङ्खलायां विवरणानां प्रभावी-प्रयोगस्य विषये उक्तवान्। अनेन कृषिसामग्रीणां योजना, प्रसंस्करणं तथा कृषकेभ्यः लक्षितहस्तक्षेपः च अधिकं सुदृढं कर्तुं शक्यते।

साइबरवंचनस्म डिजिटल-अभिग्रहणस्य च प्रकरणानां समीक्षायाः समये प्रधानमन्त्री निवारणव्यवस्थां सुदृढां कर्तुं आवश्यकतां प्रतिपादितवान्। सः प्रशिक्षणस्य, जागरूकतायाः शिक्षायाश्च निरन्तरं ध्यानं दातुं उक्तवान्। वरिष्ठनागरिकाणां, युवानां तथा अन्येषां संवेदनशीलवर्गाणां कृते लक्षितजागरूकताभियानानां सञ्चालनाय बलं दत्तम्। सम्बद्धकर्मचारिणां नियमित-क्षमतावर्धने तथा साइबरवंचनस्य नूतनानां पद्धतीनां शीघ्रपरिचयेऽपि बलं दत्तम्।

उल्लेखनीयं यत् प्रगतिः सक्रियशासनस्य समयबद्धक्रियान्वयनस्य च कृते सूचना-सञ्चारप्रौद्योगिकी-आधारितः बहुआयामी मञ्चः अस्ति। अधिवेशने आधारभूत-संरचनापरियोजनाभिः सह डिजिटलकृषेः तथा साइबरवंचनस्य सम्बद्धानां विषया-णामपि समीक्षा कृता।

/ अंशु गुप्ता