Enter your Email Address to subscribe to our newsletters
उत्तरकाशी, 25 अगस्तमासः (हि.स.)।विशेषगहनपुनरीक्षणं प्रति जिलाधिकारी प्रशान्त आर्यः अवदत् यत् जनपदस्य त्रिषु विधानसभाक्षेत्रेषु अन्तिमचरणस्य कार्यं निर्धारितप्रक्रियानुसारं तीव्रगतिना सञ्चाल्यमानम् अस्ति। जनपदे अधुना पर्यन्तं विशेषगहनपुनरीक्षणस्य (एस.आई.आर.) अन्तर्गतं अष्टाशीतिप्रतिशतं कार्यं सम्पन्नं कृतम् अस्ति। अस्मिन् यमुनोत्रीविधानसभाक्षेत्रे प्रेषितानां १९५९४ सूचनापत्राणां सापेक्षेण १९०४९६ सूचनापत्राणां श्रवणकार्यं सम्पन्नमिति उल्लिखितम्।
मङ्गलवासरे राष्ट्रियसूचनाविज्ञानकेन्द्रस्य (एन.आई.सी.) कक्षे पत्रकारैः सह वार्तालापं कुर्वन् जिलाधिकारी प्रशान्त आर्यः अवदत् यत् जनपदस्य पुरोलाविधानसभाक्षेत्रे, यमुनोत्रीविधानसभाक्षेत्रे, गंगोत्रीविधानसभाक्षेत्रे च स्थितेषु ५५८ मतदानकेन्द्रेषु बी.एल.ओ. तथा निर्वाचनकार्मिकाः विशेषगहनपुनरीक्षणकार्ये तत्परतया संलग्नाः सन्ति।
सः अवदत् यत् जनपदे प्रेषितानां कुलं ६३७१७ सूचनापत्राणां सापेक्षेण ६३६४५ मतदातृभ्यः सूचनापत्राणि वितरितानि सन्ति। एतेषु ६०५११ सूचनापत्राणां श्रवणकार्यं सम्पन्नम् अभवत्। पुनरीक्षणकार्यस्य अन्तर्गतं मतदानकेन्द्रस्तरीयाधिकारिभिः गृहं गृहं गत्वा मतदातृसूच्याः सम्बन्धितानां आवश्यकसूचनानां सत्यापनं क्रियते।
पात्रनागरिकाणां नामानि मतदातृसूच्यां समावेशयितुं सह नाम, पता, आयुः तथा अन्येषु विवरणेषु आवश्यकसंशोधनस्य प्रक्रिया अपि क्रियते। मृतानां, स्थानान्तरितानां अथवा अपात्राणां मतदातॄणां विषये निर्धारितनियमानुसारं कार्यवाही अपि विधीयते।
सः अवदत् यत् मतदातारः स्वनाम, पता तथा आयुसम्बन्धिताः सम्यक् सूचनाः स्वस्य मतदानकेन्द्रस्तरीयाधिकारिणे अथवा निर्वाचकरजिस्ट्रीकरणाधिकारिणे उपलब्धाः कारयितुं शक्नुवन्ति। सर्वेषां त्रुटीनां संशोधनानन्तरं १५ सितम्बर-दिनाङ्के मतदातृसूच्याः प्रकाशनं क्रियते।
सः अवदत् यत् विशेषगहनपुनरीक्षणस्य अन्तर्गतं यदि कस्यचित् सूचनापत्रं प्राप्तं भवति तर्हि तत् चिन्तायाः संशयस्य वा विषयः नास्ति। सूचनापत्रवितरणस्य उद्देश्यं विशेषगहनपुनरीक्षणप्रक्रियायां नाम्नः, वयसः अथवा अन्येषां त्रुटीनां संशोधनं कृत्वा निर्वाचकनामावलीं शुद्धां पारदर्शिनीं च कर्तुम् अस्ति।
अस्मिन् अवसरे अपरजिलाधिकारी मुक्ता मिश्रः, सहायकनिर्वाचनाधिकारी राकेशमोहनराणा इत्यादयः उपस्थिताः आसन्।
५— मङ्गलवासरे पत्रकारैः सह वार्तालापं कुर्वन् जिलाधिकारी प्रशान्त आर्यः।
Hindusthan Samachar / Dheeraj Maithani