दिल्ली-निर्वाचने पराजिताः सन्तः नेतारः अद्य पञ्जाबं शासयन्ति, येन कारणेन पञ्जाबस्य विकासः अवरुद्धः अभवत्। उद्योगकेन्द्ररूपेण प्रसिद्धस्य लुधियाना-नगरस्य मार्गाणां दयनीया अवस्था सर्वकारस्य असफलतायाः चित्रं प्रस्तौति। तेन उक्तं यत् ‘आप’-सर्वकारस्य नीतिनां कारणेन पञ्जाबस्य उद्योगाः बृहद्प्रमाणेन अन्यत्र गच्छन्ति। अपरतः भाजपा-शासितयोः उत्तरप्रदेशे बिहारराज्ये च विकासः प्रगतिश्च भवतः, किन्तु पञ्जाबः पश्चात् अवशिष्टः।

सन्तोषः मङ्गलवासरे लुधियानानगरे लुधियानानगरस्य, लुधियानाग्रामीणस्य, खन्नायाः, जगरावाँस्य, मोगायाः, रोपडस्य तथा मलेरकोटलाजनपदानां नेतॄणां कार्यकर्तॄणां च क्षेत्रीयोपवेशनं सम्बोधयन् आसीत्। तेन उक्तं यत् अस्मिन् समये पञ्जाबस्य परिवर्तनं भविष्यति तथा एतत् परिवर्तनं भारतीयजनतापक्षः करिष्यति। तेन कार्यकर्तॄन् आहूतं यत् दलस्य प्रत्येकं कार्यक्रमं पूर्णोत्साहेन भूमिस्तरे कार्यान्वितं कुर्वन्तु तथा प्रत्येकस्य मञ्चस्य माध्यमेन दलस्य नीतयः विषयाश्च जनतां प्रति प्रापयन्तु।

अस्मिन् अवसरे पञ्जाबभाजपाध्यक्षः केवलसिंहढिल्लनः बी.एल. सन्तोषस्य स्वागतं कुर्वन् उक्तवान् यत् तस्य अनुभवः पञ्जाबस्य दलाय नूतनां दिशां प्रदास्यति तथा २०२७ तमे वर्षे भाजपासर्वकारस्य गठनाय तस्य मार्गदर्शनम् अत्यन्तं लाभदायकं सिद्धं भविष्यति। तेन उक्तं यत् ‘आप्’-सर्वकारेण पञ्जाबस्य आर्थिक-स्थितिः अत्यन्तं दुर्बला कृता अस्ति तथा राज्यस्य ऋणं प्रतिदिनं वर्धते। पञ्जाबं पुनः महाराजरणजीतसिंहस्य शासनकाल-सदृशीं समृद्धिं प्रति नेतुं द्विइञ्जिनयुक्तः भाजपासर्वकारः आवश्यकः अस्ति।

अस्मिन् अवसरे राष्ट्रियः उपाध्यक्षः मनप्रीतसिंहबादलः, प्रदेशमहामन्त्री (सङ्गठनम्) श्रीनिवासुलुः, सहप्रभारी नरेन्द्ररैणा इत्यादयः बहुसङ्ख्यकाः दलस्य नेतारः कार्यकर्तारश्च उपस्थिताः आसन्।

Hindusthan Samachar / Divya Ranjan