नव दिल्ली, 25 अगस्तमासः (हि.स.)। प्रधानमन्त्रिणा नरेन्द्रमोदिना सहितैः अनेकेभ्यः नेतृभ्यः मङ्गलवासरे एकीकृतभुगतानव्यवस्थायाः अर्थात् यूपीआई इत्यस्य सञ्चालनस्य दशवर्षाणि पूर्णतां प्राप्तानि इति अवसरे शुभकामनाः अभिनन्दनानि च प्रदत्तानि।

प्रधानमन्त्री मोदी सामाजिकमाध्यममञ्चे एक्स इत्यत्र लिखितवान् यत् दशकपूर्वं यूपीआई इत्यस्य शुभारम्भः कृतः आसीत्, यः भारतस्य अङ्कीयभुगतानयात्रायां महत्त्वपूर्णं परिवर्तनबिन्दुं सिद्धः अभवत्। तस्य विस्तारः पहुँचश्च एतादृशी अस्ति यत् प्रत्येकः भारतीयः तेन गौरवान्वितः भवितुम् अर्हति। प्रधानमन्त्री जनान् स्वकीयम् यूपीआई अनुभवं सहकारीकर्तुं तथा तेन तेषां जीवने किं प्रभावः उत्पन्नः इति वक्तुं च आहूतवान्।

रक्षामन्त्री राजनाथसिंहः एक्स इत्यत्र अवदत् यत् प्रधानमन्त्री नरेन्द्रमोदिनः नेतृत्वे यूपीआई इत्यस्य दशवर्षाणि परिवर्तनकारीपरिवर्तनस्य दशकस्य कथा अस्ति। साहसिकचिन्तनात् आरभ्य अङ्कीयभुगतानस्य सफलताकथां यावत् यूपीआई इत्यनेन प्रत्येकस्य भारतीयस्य कृते लेनदेनं शीघ्रतरं, सरलतरं, सुरक्षिततरं सुलभतरं च कृतम् अस्ति। एषा डिजिटलभारतस्य शक्तिः अस्ति, या सशक्तीकरणं, समावेशनं जनजीवनस्य सरलीकरणं च कर्तुं प्रौद्योगिक्याः उपयोगं करोति।

केन्द्रीयसंस्कृतिपर्यटनमन्त्री गजेन्द्रसिंहशेखावतः अवदत् यत् यूपीआई प्रधानमन्त्रीमोदिनः तस्य दृष्टिकोणस्य परिणामः अस्ति, यस्मिन् अङ्कीयभारतं प्रत्येकस्य नागरिकस्य समीपं नेतुं सङ्कल्पः आसीत्। अद्य यूपीआई भारतस्य अङ्कीयभुगतानव्यवस्थां सरलां, शीघ्रां सुलभां च कृतवान् अस्ति तथा च विश्वाय भारतस्य अङ्कीयशक्तेः अनुभवं कारितवान् अस्ति।

केन्द्रीयवस्त्रमन्त्री गिरिराजसिंहः अवदत् यत् प्रधानमन्त्रीमोदिनः दूरदर्शिनः नेतृत्वे यूपीआई तस्य ‘डिजिटलभारत’ क्रान्तेः प्रतीकं जातम्, या भारतस्य अङ्कीयभुगतानव्यवस्थां सरलां, शीघ्रां निर्विघ्नां च कृतवती अस्ति।

एकीकृतभुगतानव्यवस्था अर्थात् यूपीआई भारतस्य द्रुतभुगतानव्यवस्था अस्ति। अस्याः विकासः नेशनल पेमेंट्स कॉर्पोरेशन ऑफ इंडिया इत्यनेन कृतः तथा च २०१६ तमस्य वर्षस्य अप्रैलमासस्य एकादशमे दिनाङ्के एकविंशतिसदस्यैः बङ्कैः सह प्रायोगिकरूपेण शुभारम्भः कृतः। ततः सामान्यजनानां कृते २०१६ तमस्य वर्षस्य अगस्तमासस्य पञ्चविंशतितमे दिनाङ्के अस्याः औपचारिकरूपेण शुभारम्भः अभवत्।---------------

Hindusthan Samachar / Dheeraj Maithani