Enter your Email Address to subscribe to our newsletters
कटिहारः, 25 अगस्तमासः (हि.स.)।
भारतीयजनतायुवामोर्चदलस्य (भाजयुमो) पक्षतः आगामी ६ सितम्बर-दिनाङ्के भाजपाजिलाकार्यालये ‘युवाशक्तिसम्पर्काभियानम्’ आयोजितं भविष्यति। अस्मिन् कार्यक्रमे मुख्यातिथिरूपेण बिहार-भाजयुमो-प्रदेशाध्यक्षः जितेन्द्रसिंहः सम्मिलितः भविष्यति। अभियानस्य सफलतायै रूपरेखानिर्धारणाय च मङ्गलवासरे भाजपाजिलाकार्यालये भाजयुमो-जिलाध्यक्षस्य अभिषेकसिंहस्य अध्यक्षतायां महत्त्वपूर्णा सभा आयोजिताऽभवत्।
सभां सम्बोधयन् भाजपाजिलाध्यक्षः मनोजरायः अवदत् यत् अस्य अभियानस्य मुख्योद्देश्यं युवभिः सह प्रत्यक्षसंवादस्य स्थापना, तेषां विचाराणां सुझावानां च श्रवणं तथा राष्ट्रनिर्माणे युवाशक्तेः सक्रियसहभागितायाः सुनिश्चितीकरणम् अस्ति। सः अवदत् यत् प्रधानमन्त्री नरेन्द्रमोदिनः नेतृत्वे युवशक्तेः ऊर्जां सकारात्मकदिशि नीत्वा ‘सशक्तयुवा–समृद्धभारत’ तथा ‘विकसितभारत’ इत्येतयोः सङ्कल्पयोः साकारः क्रियते।
भाजयुमो-जिलाध्यक्षः अभिषेकसिंहः अवदत् यत् प्रदेशाध्यक्षस्य मार्गेण कुर्सेलां पारयित्वा कटिहारनगरे आगमनं भविष्यति। कार्यक्रमं ऐतिहासिकं कर्तुं विधानसभाप्रमुखाः स्वस्वमण्डलेषु प्रवासं कृत्वा युवानः अभियानार्थं सङ्घटयिष्यन्ति। अभियाने जनपदस्य विभिन्नेभ्यः मण्डलेभ्यः पञ्चायतेभ्यश्च बहुसंख्यकाः युवानः कार्यकर्तारश्च भागं गृह्णीयुः।
सभायां भाजपाजिलामहामन्त्री गोविन्दाधिकारी, सौरभकुमारमालाकारः, भाजयुमो-जिलामहामन्त्री सोनूसिन्हः, जोक्सनयादवः, युवतीप्रमुखा श्वेतारायः, अङ्कितमालाकारः, विकासयादवः, सत्यम् समदर्शी, विवेकसिंहः, अम्बेशकुमारः, दीपकः, आदित्यः, अजयः, विशालगुप्तः, मनीषः, राजू, सौरभः इत्यादयः बहुसंख्यकाः युवामोर्चाकार्यकर्तारश्च उपस्थिताः आसन्।
---------------
Hindusthan Samachar / Dheeraj Maithani