उदयपुरम्, २५ अगस्तमासः (हि.स.)। एकः पर्वतः प्रत्येकं मनुष्यस्य अन्तः भवति। यदि वयं तम् जयामः, तर्हि जगतः कस्यामपि आव्हानस्य समक्षं कृत्वा तदपि जेतुं शक्नुमः।

एतद् उक्तवती उदयपुरस्य पुत्री मनस्वी अग्रवालः, या विश्वस्य पञ्चसु उच्चतमेषु पर्वतशिखरेषु त्रिरङ्गध्वजम् आरोहितवती अस्ति। सा मङ्गलवासरे सुकृतन्यासस्य तत्त्वावधाने आयोजिते अभिनन्दनसमारोहे उक्तवती। ओकेजन-गार्डन इत्यस्य पुरतः स्थिते होटल्-योइस इत्यत्र आयोजिते समारोहे मनस्वी उक्तवती यत् अध्ययनस्य क्रीडायाश्च मध्ये सन्तुलनम् आवश्यकम् अस्ति तथा प्रत्येकस्मिन् परिस्थितौ साहसं धारणीयम्। मनस्वी स्वमातापित्रोः आभारं प्रकटयन्ती उक्तवती यत् ताभ्यां तां कदापि भ्रातृभ्यः न्यूनतरा न मन्यते स्म। स्वस्य अस्याः उपलब्धेः यात्रायाम् आगतानां बाधानां सम्मुखीकरणाय भारतस्य विभिन्नदेशानां च दूतावासानाम् अपि तया आभारः प्रकटितः।

समारोहे मनस्व्याः पिता टी.आर. अग्रवालः जेन-जी इति वंशं ऊर्जापूर्णां वंशम् इति वर्णयन् उक्तवान् यत् यदि तस्यै सम्यग्दिशा प्राप्यते, तर्हि जेन-जी अनेकानि कीर्तिमानानि स्थापयितुं शक्नोति। माता सरोजा अपि बालकेभ्यः स्वातन्त्र्यं दत्त्वा संस्काराणां मर्यादां शिक्षयितुं प्रतिपादितवती। सा उक्तवती यत् स्वकीयभारतीयसंस्काराणां शिक्षां बालकेभ्यः दातुं प्रत्येकस्य मातापित्रोः कर्तव्यम् अस्ति।

मनस्व्याः अभिनन्दनं कुर्वन् उदयपुरलोकसभाक्षेत्रस्य सांसदः डॉ. मन्नालालरावतः उक्तवान् यत् उदयपुरस्य पुत्र्या राजस्थानस्य सर्वासां पुत्रीणां गौरवं वर्धितम् अस्ति। तेन युगानुकूलकर्तव्यानां निर्धारणस्य आवश्यकतायाः उल्लेखं कुर्वता उक्तं यत् अद्यतनपीढी प्रौद्योगिक्याः क्षेत्रे पूर्ववंशस्य अपेक्षया बहु अग्रे अस्ति। नूतनवंशतः वयमपि अनेकान् विषयान् शिक्षितुं शक्नुमः। उपस्थितेभ्यः गणमान्यजनेभ्यः तेन उक्तं यत् एकः लघुविचारः अपि अग्रे गत्वा क्षेत्रस्य चतुर्दिक्षु विकासस्य मीलस्तम्भः भवितुम् अर्हति। अतः स्वनगरस्य, स्वराज्यस्य, स्वदेशस्य च सर्वतोमुखविकासाय नियमितरूपेण विचारमन्थनं करणीयम् तथा स्वभावनाः निरन्तरं प्रकटयितव्याः।

सुकृतन्यासस्य अध्यक्षः मनोजजोशी उक्तवान् यत् मनस्व्याः तस्याः मातापित्रोश्च अभिनन्दनं लघुउद्योगभारती-महिलाघटकस्य अध्यक्षा सीमा पारीख, महिलानां स्वावलम्बनक्षेत्रे कार्यरता उपासना दशोत्तर, सुकृतन्यासस्य कोषाध्यक्षा अनिता जोशी, डॉ. रजनी पी. रावत, एम.डी.एस.-विद्यालयस्य संस्थापकः डॉ. शैलेन्द्रसोमानी सहितैः मञ्चासीनैः अतिथिभिः कृतम्। ततः प्रतापगौरवकेन्द्रस्य निदेशकः अनुरागसक्सेना, डी.पी.एस्.-विद्यालयस्य गोविन्दअग्रवालः, पूर्व-आर.ए.एस्. अधिकारी एस.एन. लाठी, वात्सल्यसेवासमित्याः प्रकाशअग्रवालः, उदयपुरसिटिजनसोसायटी-संस्थायाः अध्यक्षेण क्षितिजकुम्भटेन सह नगरस्य गणमान्यजनैः विभिन्नसंस्थानां प्रतिनिधिभिश्च मनस्व्याः अभिनन्दनं कृतम्।

अस्मिन् अवसरे भाजपाजनजातिमोर्चस्य राष्ट्रीयाध्यक्षरूपेण प्रत्यागतस्य सांसदस्य डॉ. रावतस्य अभिनन्दनं सुकृतन्यासस्य वरिष्ठसदस्यः ब्रजमोहनभाटी, लघुउद्योग-भारत्याः महानगरघटकस्य अध्यक्षः राजेन्द्र-सुराणा, होटल-व्यवसायी योगेश-कुमावतः, राजेशअग्रवालः, वल्लभनगरस्य पूर्वभाजपाप्रत्याशी हिम्मतसिंहझाला सहितैः अनेकैः गणमान्यजनैः कृतम्। मञ्चे देहात्-जनपदाध्यक्षः पुष्करतेली अपि अतिथिरूपेण उपस्थितः आसीत्।

प्रथमपूज्यस्य भगवान् गजाननमहाराजस्य पुरतः दीपप्रज्वालनेन प्रारब्धे कार्यक्रमे अतिथीनां स्वागतं अध्यक्षः मनोजजोशी कृतवान्। आभारं न्यासस्य महासचिवः डॉ. विवेकभटनागरः प्रकटितवान्। कार्य-क्रमस्य सञ्चालनं कौशलमून्द्रा कृतवान्।

Hindusthan Samachar / Divya Ranjan