Enter your Email Address to subscribe to our newsletters
हरिद्वारम्, 25 अगस्तमासः (हि.स.)।गायत्रीतीर्थ-शान्तिकुञ्जे आयोजित त्रिदिवसीय-न्यासिमण्डल-कार्यशाला प्रेरणायाः, चिन्तनस्य तथा सङ्कल्पस्य सङ्गमः अभवत्। देशस्य विभिन्नेषु प्रान्तेषु शान्तिकुञ्जेन सञ्चालितानां प्रज्ञासंस्थानानां न्यासिनः तथा कार्यकर्तारः मिशनस्य कार्याणां गतिं वर्धयितुं, सङ्गठनं सुदृढं कर्तुं तथा युगनिर्माण-अभियानं व्यापकस्तरे प्रसारयितुं गहनं मन्थनं कृतवन्तः।
कार्यशालायां अखिलविश्व-गायत्री-परिवारस्य संस्थापिकायाः भगवतीदेवी-शर्मणः जन्मशताब्दी-वर्षस्य सन्दर्भे प्रचलितानाम् अभियानानां गतिं वर्धयितुं विशेषः बलः प्रदत्तः। प्रतिभागिभिः एतानि अभियानानि जन-जनपर्यन्तं प्रापयितुं तथा युवानः, महिलाः समाजस्य विभिन्नवर्गाः च मिशनस्य रचनात्मक-कार्यैः सह संयोजयितुं सङ्कल्पः कृतः।
अस्मिन् अवसरे शैलदीदी अवदत् यत् युगनिर्माण-मिशनस्य कार्यं विचाराणां, संस्काराणां तथा सेवाभावस्य विस्तारस्य अभियानम् अस्ति। तया न्यासिभ्यः स्व-स्वक्षेत्रेषु सेवां साधनां च आधारं कृत्वा अधिकाधिकान् जनान् रचनात्मक-कार्यैः सह संयोजयितुं आह्वानं कृतम्।
प्रतिभागिभिः सह भेटि-परामर्शस्य समये देवसंस्कृति-विश्वविद्यालयस्य उपाध्यक्षः डॉ. चिन्मय-पण्ड्या अवदत् यत् जन्मशताब्दी-वर्षं पण्डित-श्रीराम-शर्माचार्यस्य तथा माता-भगवतीदेवी-शर्मणः विचारान् जन-जनपर्यन्तं प्रापयितुं महत्त्वपूर्णः अवसरः अस्ति। तेन विभिन्नानां रचनात्मकानां जनोपयोगिनां च कार्यक्रमाणां माध्यमेन विचार-विस्तारस्य सम्भावनानां विषये विस्तरेण चर्चा कृता।
तेन उक्तं यत् सेवायाः साधनायाश्च समन्वयेन कृतं कार्यं समाजे स्थायी-परिवर्तनस्य आधारः भवितुम् अर्हति। कार्यशालायां सम्मिलिताः न्यासिनः शान्तिकुञ्जस्य रचनात्मक-गतिविधिभ्यः प्रेरणां प्राप्य स्व-स्वक्षेत्रेषु सेवा-कार्याणां विस्तारस्य प्रतिबद्धतां व्यक्तवन्तः। प्रेरणातः सङ्कल्पं प्रति तथा सङ्कल्पात् सेवां प्रति वर्धमानैः पदैः त्रिदिवसीय-कार्यशालायाः समापनम् अभवत्।
Hindusthan Samachar / Dheeraj Maithani