जबलपुरम्, २६ अगस्तमासः (हि.स.)। मध्यप्रदेशस्य जबलपुरनगरे स्थिते व्हीकल-फैक्टरी-जबलपुरे आत्मनिर्भर-भारताभियानस्य अन्तर्गतं टी-७२-टैङ्कयानानाम् ओवरहालस्य बृहती परियोजना प्रारब्धुं गच्छति। प्रायः ६०० कोटिरूप्यकाणां व्ययेन क्रिय-माणायाः अस्याः परियोजनायाः भूमिपूजनं रक्षामन्त्री राजनाथसिंहः करिष्यति। कार्यक्रमस्य विषये जनपदप्रशासनेन कारखाना-प्रबन्धनेन च सर्वाः सज्जताः पूर्णाः कृताः सन्ति।

प्राप्तविवरणानुसारं रक्षामन्त्री राजनाथ-सिंहः गुरुवासरे, २७ अगस्तमासे, प्रातः प्रायः १० वादने विशेषविमानेन दिल्लीतः जबलपुरं प्राप्स्यति। मुख्यमन्त्री मोहनयादवः अपि तेन सह कार्यक्रमे सम्मिलितः भविष्यतीति सम्भावना अस्ति। समारोहे व्हीकल-फैक्टरी इत्यस्य अधिकारिभिः सह आयुधनिर्माणी-खमरिया तथा गन-कैरिज-फैक्टरी इत्येतयोः अधिकारिणः अपि उपस्थिताः भविष्यन्ति।

भारतीयसेनायाः प्रमुखस्य युद्धक-टैङ्कयानस्य टी-७२ इत्यस्य तकनीकी-उन्नयना व्हीकल-फैक्टरी इत्यत्र आधुनिकमूलभूतसंरचनं विकसितं क्रियते। परियोजनायाः पूर्णतायाः अनन्तरं टैङ्कयानानां अनुरक्षणस्य, मरम्मतस्य, तकनीकी-उन्नयनस्य च क्षमता वर्धिष्यते इति अपेक्षा अस्ति। अनेन सेनायाः बख्तरबन्दसैन्यदलस्य परिचालनक्षमता सुदृढा भविष्यति।

कार्यक्रमस्य अन्तर्गतं प्रातः प्रायः १० वादने व्हीकल-फैक्टरी इत्यस्य प्रथमद्वारतः मुख्यातिथीनाम् अधिकारिणां च आगमनम् आरप्स्यते। ततः अपराह्णे प्रायः १ वादने भूमिपूजनस्य शिलान्यासकार्यक्रमस्य च आयोजनं प्रस्तावितम् अस्ति।

रक्षामन्त्रिणः यात्रां दृष्ट्वा निर्माणीपरिसरे सुरक्षाव्यवस्था सुदृढीकृता अस्ति। प्रवेशद्वारेषु आगच्छतां गच्छतां च जनानां निरीक्षणं क्रियते। जनपदप्रशासनेन अपि सुरक्षायाः अन्यव्यवस्थानां च विषये आवश्यकाः निर्देशाः निर्गताः सन्ति।

Hindusthan Samachar / Divya Ranjan