नवदिल्ली, २६ अगस्तमासः (हि.स.)। केन्द्रीयमन्त्री किरेण: रिजिजू बुधवासरे आरोपितवान् यत् असमस्य मुख्यमन्त्री हिमन्तबिस्वसरमा तस्य पत्नीं च प्रति मिथ्यारोपान् कृतवतः कारणात् काङ्ग्रेस-नेता पवनखेडायै राज्यसभायाः स्थानं प्रदत्तम्। सः अवदत् यत् आरोपस्य प्रभावः विपरीतः अभवत्, किन्तु खेडा राज्यसभां प्राप्तवान्, यद्यपि सः तस्याः योग्यः नासीत्।

सामाजिकमाध्यमेषु प्रचलति वादविवादस्य मध्ये केन्द्रीयमन्त्री रिजिजू एतान् आरोपान् कृतवान्। सः अवदत्, “द्वौ वरिष्ठौ काङ्ग्रेस-नेतारौ माम् उक्तवन्तौ यत् राहुलगान्धिना पवनखेडायै असम-विधानसभा-निर्वाचनस्य अन्तिमसमये हिमन्तबिस्व-सर्मणः तस्य पत्नी रिनिकी इत्यस्याश्च विरुद्धं मिथ्यारोपान् कर्तुम् उक्तम् आसीत्। यदा एते मिथ्यारोपाः विपरीतफलं दत्तवन्तः, तदा खेडायै पुरस्काररूपेण राज्यसभायाः स्थानं प्रदत्तम्, यद्यपि सः तस्याः योग्यः नासीत्!”

काङ्ग्रेस्-नेता पवनखेडा तथा किरेण: रिजिजू इत्यनयोः मध्ये सामाजिक-माध्यमेषु वादविवादः रविवासरात् प्रचलति। रिजिजुना अरुणाचले नद्यां तरणस्य एकं दृश्यकलिकाचित्रं प्रकाशितम्, ततः पवनखेडा इत्यनेन तस्य विषये टिप्पणी कृता, अनन्तरं विवादः वर्धितः। गतदिने रिजिजू उक्तवान् आसीत् यत् पवनखेडा राज्यसभायां स्वपक्षस्य नामनिर्देशेन निर्वाचितः प्रथमकार्यकालस्य सांसद् अस्ति तथा च सः अष्टवारं निर्वाचनं प्रतिस्पर्धितवान् अस्ति। अस्य अर्थः न भवति यत् खेडायै ‘अभद्रटिप्पणीं’ कर्तुम् अधिकारः प्राप्यते।

Hindusthan Samachar / Divya Ranjan