नवदिल्ली, २७ अगस्तमासः (हि.स.)। भाजपासांसदः अनुरागठाकुरः भारतीयार्थ-व्यवस्थायाः हिमाचलप्रदेशे रोजगारस्य च विषयं प्रति काङ्ग्रेसनेता राहुलगान्धिनं तीव्रतया लक्षितवान्। दिली इत्यत्र स्थिते स्वनिवासे पत्रकारैः सह वार्तालापं कुर्वन् सः अवदत् यत् भारतम् अधुना विश्वस्य प्रमुखार्थव्यवस्थानां मध्ये सर्वाधिकवेगेन विकासमाना अर्थव्यवस्था अस्ति तथा सम्पूर्णं विश्वं भारतं प्रति आशापूर्णदृष्ट्या पश्यति।

अनुरागठाकुरः अवदत् यत् भारतं यथा यथा अधिकं विकसितं भविष्यति, तथा तथा तस्य लाभः सम्पूर्णाय विश्वाय भविष्यति। राहुलगान्धिनं लक्षयन् सः अवदत् यत् तेन मिथ्यावक्तव्यं विदेशीदेशेभ्यः प्राप्त-सूचनानाम् आधारेण वक्तव्यप्रदानं च त्यक्तव्यम्।

भाजपासांसदः राहुलगान्धिनः हिमाचल-प्रदेशे कृतस्य पञ्चलक्षं सर्वकारीय-नियुक्तिनां प्रदानेन सम्बद्धस्य वचनस्य विषये उत्तरं याचितवान्। सः अवदत् यत् राहुलगान्धिना काङ्ग्रेसेन च प्रदेशस्य जनतां विशेषतः युवभ्यः वक्तव्यं यत् रोजगारस्य विषये कृतानां निर्वाचन-कालीनवचनानां किं जातम्।

उल्लेखनीयं यत् केन्द्रसर्वकारस्य आर्थिकसर्वेक्षणे २०२५-२६ मध्ये भारतं चतुर्थवर्षमपि प्रमुखार्थव्यवस्थानां मध्ये सर्वाधिकवेगेन वृद्धिं प्राप्यमाणायाः अर्थव्यवस्थायाः रूपेण वर्णितम् अस्ति। अपरत्र हिमाचलप्रदेशे रोजगारस्य सर्वकारीयनियुक्तिनां च विषयं प्रति भाजपा निरन्तरं काङ्ग्रेससर्वकारस्य तस्य निर्वाचनकालीनवचनानां च विषये प्रश्नान् उत्थापयति।

Hindusthan Samachar / Divya Ranjan