Enter your Email Address to subscribe to our newsletters
गुवाहाटी, 27 अगस्तमासः (हि.स.)।
असमस्य राज्यपालः लक्ष्मणप्रसादाचार्यः नवदिल्ल्यां राष्ट्रियदुग्धानुसन्धानसंस्थानस्य (एनडीआरआई) निदेशकेन डॉ. धीरसिंहेन सह मिलित्वा असमस्य दुग्धक्षेत्रं आधुनिकं, प्रौद्योगिकी-आधारितं कृषककेन्द्रितं च कर्तुं संस्थानस्य विशेषज्ञतां याचितवान्।
राज्यपालेन दुग्धसहकारिता, आधुनिकप्रौद्योगिकी, कौशलविकासः, वैज्ञानिकहस्तक्षेपः, उत्तमविपणिसम्पर्कश्च सुदृढीकर्तुं विशेषः बलः प्रदत्तः। तेन एनडीआरआई-संस्थानस्य विशेषज्ञेभ्यः असमस्य दुग्धक्षेत्रस्य व्यापकं अध्ययनं कृत्वा सुधारार्थं तकनीकीसुझावान् दातुं अनुरोधः कृतः।
तेन विशेषज्ञानाम् असमभ्रमणस्य तथा च ग्रामीणयुवभ्यः दुग्धक्षेत्रे रोजगारस्य उद्यमितायाश्च अवसरान् प्रदातुं कौशलविकासकार्यक्रमस्य आरम्भस्य प्रस्तावोऽपि प्रस्तुतः।
राज्यपालेन आशा व्यक्ता यत् एनडीआरआई असमस्य दुग्धक्षेत्रस्य विकासे दीर्घकालिकः ज्ञानसहभागी भविष्यति।
----------
Hindusthan Samachar / Dheeraj Maithani