नवदिल्ली, २७ अगस्तमासः (हि.स.)। भारतं आपदाग्रस्तस्य नेपालदेशस्य कृते गुरुवासरे ३७.५ टन्-परिमितां एचएडीआर-सामग्रीं, औषधानि खाद्यपुटकानि च नीत्वा द्वितीयं पर्यायं प्रेषितवान्।

विदेशमन्त्री डॉ. एस. जयशङ्करेण ‘एक्स’-मध्ये लिखितम्— “नेपालाय ३७.५ टन्-परिमितां एचएडीआर-सामग्रीं, औषधानि खाद्यपुटकानि च नीत्वा द्वितीयं विमानम् अधुनैव उड्डीतम्। भारतं नेपालस्य अधिकारिभिः सह निरन्तरं निकटसम्पर्के अस्ति। वयं राहतकार्येषु स्वपूर्णं सहयोगं निरन्तरं प्रदास्यामः।”

उल्लेखनीयं यत् नेपालस्य रसुवामण्डले तदन्येषु समीपस्थक्षेत्रेषु च बुधवासरे प्रातः भोटेकोशी-नद्यां सहसा आपतितेन विनाशकारिणा जलौघेन अद्यावधि न्यूनातिन्यूनं १५७ जनानां मृत्युः अभवत् तथा प्रायः ७०० जनाः लुप्ता: सन्ति। लुप्तजनानां मध्ये विदेशीयनागरिकाः सुरक्षाकर्मिणश्च अपि सम्मिलिताः सन्ति। जलौघेन त्रिषु मण्डलेषु महती विनाशलीला कृता अस्ति।

Hindusthan Samachar / Divya Ranjan