पश्चिमी सिंहभूमः, 27 अगस्तमासः (हि.स.)।

राष्ट्रीयक्रीडादिवसस्य अवसरे महिलामहाविद्यालये चाईबासायां ‘खेलो इण्डिया संवादः–क्रीडाविषये प्रधानमन्त्रिणा सह वार्ता’ इति कार्यक्रमस्य आयोजनं गुरुवासरे कृतम्। कार्यक्रमे मुख्यातिथिरूपेण बड़कुंवरगागराई महोदयः सम्मिलितः। तेन छात्राः क्रीडाभिः सह सम्बद्धाः भवितुं स्वप्रतिभायाः श्रेष्ठमञ्चं प्राप्तुं च प्रोत्साहिताः। तेन उक्तं यत् क्रीडाः केवलं प्रतियोगितायै पदकप्राप्तये च सीमिताः न सन्ति, अपितु युवानां व्यक्तित्वविकासे, अनुशासने, आत्मविश्वासस्य च सुदृढीकरणे महत्त्वपूर्णां भूमिकां निर्वहन्ति।

राष्ट्रियसेवायोजनायाः तत्वावधाने आयोजिते कार्यक्रमे प्रधानमन्त्री नरेन्द्रमोदी वर्चुअलमाध्यमेन देशस्य सर्वेषां क्रीडकैः, धावकैः युवभिश्च सह संवादं कृतवान्। महिलामहाविद्यालये चाईबासायां प्रायः १८० छात्राः कार्यक्रमे भागं गृहीत्वा प्रधानमन्त्रिणः सम्बोधनं श्रुतवत्यः। अस्मिन् समये युवानां क्रीडासु प्रति प्रोत्साहनाय देशे क्रीडासंस्कृतेः सुदृढीकरणाय च विशेषं बलं प्रदत्तम्।

बड़कुंवरगागराई महोदयेन उक्तं यत् युवासु प्रतिभायाः कदापि अभावः नास्ति, केवलं तेभ्यः सम्यक् दिशा, प्रशिक्षणम् अवसराश्च प्रदातव्याः। तेन छात्राभ्यः अध्ययनस्य सह क्रीडागतिविधिष्वपि उत्साहेन भागं ग्रहीतुं आह्वानं कृतम्। तेन उक्तं यत् क्रीडाङ्गणे प्राप्तः अनुभवः जीवनस्य अन्येषु क्षेत्रेष्वपि सफलतायाः आधारः भवति।

कार्यक्रमे महाविद्यालयस्य प्राचार्या डॉ. अञ्जना पी.वी. खलखो, डॉ. मीनाक्षी मुण्डा तथा चन्द्रमोहन तियू च उपस्थिताः आसन्। जिल्लायाः क्रीडाजगत् सम्बद्धौ जगन्नाथगागराई तथा मिलीमछुवईन च विशेषरूपेण आमन्त्रितौ आस्ताम्।

प्रधानमन्त्रिणः संवादस्य समये क्रीडापारिस्थितिकीतन्त्रस्य सुधारः, युवानां क्रीडाभिः सह संयोजनम्, क्रीडाप्रतिभानां प्रोत्साहनम् इत्यादिविषयेषु चर्चा अभवत्। प्रधानमन्त्रिणा क्रीडाः राष्ट्रनिर्माणस्य महत्त्वपूर्णं माध्यममिति प्रतिपाद्य युवा-शक्तेः सकारात्मकदिशायां नियोजनस्य महत्त्वे बलं प्रदत्तम्।

कार्यक्रमस्य तकनीकीसञ्चालने पश्चिमसिंहभूमि-एन.आई.सी. तथा बी.एस.एन.एल. दलयोः सहयोगः प्राप्तः। मञ्चसञ्चालनं श्रेया अग्रवाल तथा प्रियंका कुमारी इत्येताभ्यां कृतम्।

आयोजनस्य सफलतायां जिलायुवा-अधिकारी अभिषेक आनन्दः, एन.एस.एस. कार्यक्रम-अधिकारी डॉ. अर्पितसुमनटोप्पो तथा मनीषा बिरुआ इत्येषां महत्त्वपूर्णा भूमिका आसीत्। अस्मिन् अवसरे विकासमिश्रः, डॉ. राजीवलोचनः, डॉ. बबिताकुमारी, डॉ. पुष्पाकुमारी, डॉ. अमृताजायसवालः, डॉ. अञ्जनासिंहः, डॉ. रूबी इत्यादयः अनेकाः शिक्षकाः उपस्थिताः आसन्।

---------------

Hindusthan Samachar / Dheeraj Maithani