- रक्षामन्त्रिणः उपस्थितौ जबलपुरे टी-श्रेणी-टैङ्क इत्यस्य ४७२ कोटिरूप्यकाणां पुनर्नवीकरणपरियोजनायाः भूमिपूजनम्

भोपालम्, २७ अगस्तमासः (हि.स.)। मध्यप्रदेशस्य मुख्यमन्त्री डॉ. मोहनयादवः अवदत् यत् भारत-अर्थ-मूवर्स लिमिटेड् इत्यस्य माध्यमेन प्रदेशाय प्राप्तस्य महत्त्वपूर्णस्य उपहारस्य अनन्तरम् अधुना जबलपुरे प्रारभ्यमाणा “टी-श्रेणी-टैङ्क-पुनर्नवीकरणपरियोजना” देशस्य रक्षा-क्षमतां अधिकं सुदृढां कर्तुं दिशि महत्त्वपूर्णं सोपानम् अस्ति। एषा परियोजना केवलं रक्षा-आधुनिकी-करणस्य प्रतीकं न, अपितु आत्मनिर्भर-भारतस्य, सशक्त-सेनायाः नवभारतस्य च पराक्रमस्य प्रतीकमपि अस्ति।

मुख्यमन्त्री डॉ. यादवः गुरुवासरे रक्षामन्त्रिणः राजनाथसिंहस्य उपस्थितौ जबलपुरस्थिते वाहननिर्माणसंस्थाने टी-श्रेणी-टैङ्क-पुनर्नवीकरणपरियोजनायाः भूमिपूजनकार्यक्रमं सम्बोधितवान्। सः अवदत् यत् प्रधानमन्त्रिणः नरेन्द्रमोदिनः सशक्तनेतृत्वेन रक्षामन्त्रिणः राजनाथ-सिंहस्य सततप्रयत्नैश्च भारतं रक्षाक्षेत्रे आत्मनिर्भरतायाः दिशि तीव्रगत्या अग्रे गच्छति। रक्षामन्त्रिणः सिंहस्य सङ्कल्पः वज्रवत् अडिगः अस्ति। तस्य नेतृत्वे भारतं आतङ्कवादस्य विरुद्धं निर्णायकं कार्यं कृत्वा विश्वाय नवभारतस्य शक्तिं पराक्रमं च परिचितवान्। रक्षामन्त्री सिंहः केवलं लक्ष्याणि निर्धारितं न करोति, अपितु तानि प्राप्तुं विश्वासमपि जनयति।

मुख्यमन्त्री अवदत् यत् रक्षाबन्धनस्य एकदिनपूर्वं जबलपुरस्य भूमौ सीमायाः रक्षणाय नूतनस्य प्रकल्पस्य शुभारम्भः क्रियते। अद्य जबलपुराय प्रायः ४७५ कोटिरूप्यकेभ्यः अधिकमूल्यायाः नूतनपरियोजनायाः उपहारं प्राप्तम् अस्ति। टी-श्रेणी-टैङ्क इत्यस्य पुनर्नवीकरण-परियोजनया भारतीयसेना नूतने युगे प्रविशति। जबलपुरस्य आयुधनिर्माण-संस्थानेन स्वकार्यस्य आधारेण सम्पूर्णदेशे विशिष्टा परिचयता प्राप्ता अस्ति। भविष्ये सम्भाव्यमानानां समस्यानां दृष्ट्या सेनां सुदृढां कर्तुं मध्यप्रदेशे स्थिताभ्यः विभिन्नाभ्यः निर्माणसंस्थाभ्यः उत्पादाः निर्मीयन्ते।

रक्षाक्षेत्रे निवेशेन औद्योगिकविकासाय नूतना गतिः प्राप्स्यते

मुख्यमन्त्री डॉ. यादवः अवदत् यत् मध्यप्रदेशाय निरन्तरं रक्षाक्षेत्रे नूतनाः उपहाराः प्राप्यन्ते। भोपालनगरे बीईएमएल-संस्थायाः माध्यमेन महत्त्वपूर्णा परियोजना प्राप्ता अस्ति। प्रदेशे वन्देभारत-रेलयानैः सह विभिन्न-प्रकारकाणां रेलयानकक्षाणां निर्माणस्य दिशायामपि कार्यं क्रियते। सः अवदत् यत् रक्षाक्षेत्रे निवेशेन मध्यप्रदेशस्य औद्योगिकविकासाय नूतना गतिः प्राप्स्यते।निवेशेन वर्धन्ते रोजगारस्य अवसराःसः अवदत् यत् मध्यप्रदेशसर्वकारः प्रदेशे निवेशं वर्धयितुं निरन्तरं प्रयत्नं करोति। अस्य उद्देश्यम् युवभ्यः रोजगारस्य अवसरान् प्रदातुं प्रदेशस्य आर्थिकसमृद्धेः गतिं च वर्धयितुम् अस्ति। अधुनैव मालनपुरे प्रायः ४५० कोटिरूप्यकेभ्यः अधिक-मूल्यायाः गोदरेज-संस्थायाः निर्माण-संस्थायाः लोकार्पणं कृतम्। अधुना रक्षाक्षेत्रे प्रायः पञ्चशतकोटिरूप्यकाणां समीप-स्थायाः परियोजनायाः उपहारं प्राप्तम् अस्ति। अनेन प्रदेशे निवेशस्य नूतनाः सम्भावनाः वर्धन्ते।

सर्वेषु क्षेत्रेषु अग्रे गच्छति मध्यप्रदेशःमुख्यमन्त्री अवदत् यत् मध्यप्रदेशः शिक्षायाः, चिकित्सायाः, आधारभूत-संरचनायाः, निवेशस्य च सहितेषु विभिन्नेषु क्षेत्रेषु तीव्रगत्या अग्रे गच्छति। प्रदेशात् ७४,००० कोटिरूप्यकेभ्यः अधिकस्य निर्यातः अस्य प्रगतेः महत्त्वपूर्णम् उदाहरणम् अस्ति। मध्यप्रदेशः भविष्यस्य विकसितभारतस्य निर्माणे पदे पदं मिलित्वा अग्रे गच्छति।

सः अवदत् यत् राज्यस्य युवभ्यः रोजगारस्य अवसरान् प्रदातुं सर्वकारः औद्योगिकीकरणे विशेषं ध्यानं ददाति। प्रदेशे औद्योगिकनिवेशस्य गङ्गा प्रवहति, या अस्माकम् आर्थिकसमृद्धेः द्वाराणि उद्घाटयिष्यति। ह्य एव भिण्डजनपदस्य मालनपुरे गोदरेजसमूहस्य निर्माण्याः लोकार्पणं कृतम्। मध्यप्रदेशः शिक्षायाः, रोजगारस्य, निवेशस्य च सर्वेषु क्षेत्रेषु तीव्रगत्या अग्रे गच्छति। अस्य परिणामतः प्रदेशस्य विदेशीनिर्यातः अत्यधिकं वर्धितः अस्ति। एषा प्रदेशस्य आर्थिकसमृद्धेः दिशि महती प्रगतिः अस्ति।

समाननागरिकसंहितया हिन्दु-मुस्लिम-सिख-ईसाईधर्मावलम्बिभ्यः समानाः अवसराः अधिकाराश्च प्राप्स्यन्तिमुख्यमन्त्री डॉ. यादवः अवदत् यत् मध्यप्रदेशः तेषु प्रमुखराज्येषु अन्यतमः अस्ति, येन समाननागरिकसंहितायाः कार्यान्वयनाय विधानसभायां विधेयकं पारितम् अस्ति। समाननागरिकसंहितया हिन्दु-मुस्लिम-सिख-ईसाईधर्मा-वलम्बिभ्यः समानाः अवसराः अधिकाराश्च प्राप्स्यन्ति।

सः अवदत् यत् वीराङ्गना रानीदुर्गावती, राजा शङ्करशाह-रघुनाथशाहः इत्यादीनां अनेकेषां स्वतन्त्रतासेनानीनां कारणेन जबलपुरस्य परम्परा अत्यन्तं गौरवपूर्णा अभवत्। रानीदुर्गावती स्ववीरतया युद्धकौशलेन च अनेकाः युद्धाः विजितवती आसीत्। किन्तु नूतनप्रौद्योगिक्याः कारणेन विजयस्य एषः क्रमः अवरुद्धः तथा रानीदुर्गावती स्वराज्यस्य कृते संघर्षं कुर्वती बलिदानं दत्तवती।

Hindusthan Samachar / Divya Ranjan