कोलकाता, २७ अगस्तमासः (हि.स.)। नेपालदेशे भीषणजलौघेन भू-स्खलनैश्च उत्पन्नायां विनाशावस्थायां भारतं उद्धार-अभियानाय १० टन्-परिमितां मानवीय-सहायतां आवश्यकौषधानि च प्रेषितवान्। भारतस्य प्रेषिता राहतसामग्री काठमाण्डूनगरं प्राप्तवती अस्ति तथा राहत-अभियानं सुदृढं कर्तुम् अतिरिक्तसहायताम् अपि सङ्गृह्यते। केन्द्रीयमन्त्री भाजपायाः पूर्वप्रदेशाध्यक्षश्च सुकान्तमजूमदारः अस्यै मानवीय-सहायतायै प्रधानमन्त्रिण: नरेन्द्रमोदिनः आभारं प्रकटितवान्।

गुरुवासरे प्रातः ‘एक्स’-सन्देशे सः उक्तवान् यत् सङ्कटस्य प्रत्येकस्मिन् समये भारतं स्वमित्रदेशैः सह दृढतया स्थितवान् अस्ति तथा नेपालस्य अस्मिन् कठिनसमयेऽपि भारतं संवेदनया, एकताभावेन मानवीयभावनया च सहायताहस्तं प्रसारितवान्।

मजूमदारः उक्तवान् यत् प्रधानमन्त्री-मोदिनः नेतृत्वे भारतं नेपालस्य पार्श्वे स्कन्धेन स्कन्धं मिलित्वा दृढतया स्थितम् अस्ति। सः एतत् भारतीयपरम्परायाः ‘वसुधैव कुटुम्बकम्’ इति भावनया सम्बद्धवान्, यस्य अर्थः सम्पूर्णं विश्वम् एकं कुटुम्बम् इति स्वीकरणम् अस्ति।

सुकान्तमजूमदारः उक्तवान् यत् विपदः अस्मिन् समये भारतं नेपालस्य तस्य जनानां च पार्श्वे दृढतया स्थितम् अस्ति।

Hindusthan Samachar / Divya Ranjan