कानपुरम्, 27 अगस्तमासः (हि.स.)। सहस्राभ्यः भगिनीभ्यः प्राप्तं स्नेहम् आत्मीयतां च जीवनस्य अन्तिमश्वासपर्यन्तं निर्वक्ष्यामि। तासां सुखदुःखयोः सदैव ताभिः सह दृढतया स्थास्यामि तथा भगिनीनाम् उत्थानाय जीवनपर्यन्तं कार्यं करिष्यामि। इति गुरुवासरे बहन फाउण्डेशन इत्यस्याः संस्थायाः तत्त्वावधाने आयोजितस्य राखी-महोत्सवस्य तृतीये दिने वरिष्ठभाजपानेता पूर्वविधायकश्च अजयकपूरः उक्तवान्।

रक्षाबन्धनस्य अवसरस्य कृते राखीबन्धनाय प्रातःकालादेव भगिन्यः कार्यक्रमस्थलं प्राप्तुं प्रारब्धवत्यः। प्रायः १४०० भगिनीभिः अजयकपूरस्य हस्तमणिबन्धे पुष्पनिर्मिता राखी बध्नित्वा तस्य मुखं मधुरितम्। अजयकपूरः प्रत्येकस्यै भगिन्यै राखी-वचनं पालयिष्यतीति विश्वासं दत्त्वा तासां आशीर्वादं गृहीतवान्।

सः उक्तवान् यत् कानपुरस्य भगिनीभ्यः प्राप्यमाणं प्रेम स्नेहं च सः जीवनपर्यन्तं हृदये संरक्षिष्यति। भगिनीभिः प्रदर्शितं एतत् स्नेहं कदापि विस्मर्तुं न शक्यते। भगिन्यः उक्तवत्यः यत् अजयकपूरः तासां सुखदुःखयोः सदैव सह तिष्ठति तथा ताः अपि जीवनपर्यन्तं तस्य साथं दास्यन्ति।

राखी-महोत्सवे लोकप्रियः राजस्थानी-लोककलाकारः नृत्याङ्गना च गौरी नागोरी अपि आगतवती। तस्याः आगमनेन कार्यक्रमस्थले भगिनीषु विशेषः उत्साहः दृष्टः। गौरी नागोरी भगिनीभिः सह मिलित्वा ताभिः सह स्वचित्राणि गृहीतवती तथा अजयकपूरस्य हस्ते राखीम् अपि अबध्नात्।

कार्यक्रमे भाजपायाः पिछड़ा मोर्चा इत्यस्य प्रदेशाध्यक्षः प्रकाशपालः सहभागं कृत्वा भगिनीभ्यः रक्षाबन्धनस्य शुभकामनाः अयच्छत्। कार्यक्रमस्य सञ्चालनं सञ्चालिके दीक्षा तथा शीतल इत्येते अकुरुताम्। गायिके श्रेया तथा पिङ्की इत्येते राखीसम्बद्धानि गीतानि प्रस्तुतवत्यौ, येन वातावरणं भ्रातृभगिन्योः प्रेम्णा परिपूर्णम् अभवत्।

महोत्सवे धरीपुरवा, नौबस्ता, एफ-ब्लॉक-बर्रा-८, जाटनपुरवा-टीपी-नगरम्, संजयनगर-सीटीआई, जूही-बम्बुरहिया, रविदासपुरम्-गुजैनी, सरायमीता-पनकी, कच्ची-बस्ती-गोविन्दनगरम्, रामआसरेनगरम्, गोविन्दनगरम् इत्यादिभ्यः अनेकेभ्यः क्षेत्रेभ्यः आगताः प्रायः १४०० भगिन्यः उपस्थिताः आसन्।

Hindusthan Samachar / Dheeraj Maithani