मनोजबाजपेयिनः आगामीचलचित्रस्य ‘लास्ट् मैन इन् टावर’ इत्यस्य प्रभावशालिनः पूर्वदृश्यस्य प्रसारणं कृतम् अस्ति। बेनरेखी इत्यस्य निर्देशननिर्मिता एषा चलचित्रकथा प्रसिद्धलेखकस्य अरविन्द-अडिगा-महोदयस्य समाननामधेयस्य उपन्यासस्य आधारेण निर्मिता अस्ति। चलचित्रस्य निर्माणं अभिनेता रणदग्गुबाती स्वकीयस्य ‘स्पिरिट् मीडिया’ इति निर्माणगृहस्य बैनरतले कुर्वन् अस्ति। २०२५ तमे वर्षे प्रारब्धस्य अस्य निर्माणगृहस्य एषा प्रथमा हिन्दीभाषायां निर्मिता पूर्णदैर्घ्यस्य चलचित्रकृतिः अस्ति। मनोजबाजपेयी अन्तिमवारं ‘गवर्नर् द साइलेंट् सेवियर्’ इति चलचित्रे दृष्टः आसीत्।

‘लास्ट् मैन इन् टावर’ इत्यस्य पूर्वदृश्ये मनोजबाजपेयी निवृत्तविद्यालयशिक्षकस्य भूमिकायां दृश्यन्ते। पूर्वदृश्यस्य आरम्भः तस्य पात्रस्य विद्यालयस्य छदौ स्थितेन भवति, यत्र सः कथयति— “मनुष्यः केवलं तावन्मात्रं न भवितुमर्हति, यावत् समाजः अथवा तस्य समीपस्थाः जनाः तं जानन्ति।” ततः कथायां तस्य पात्रस्य तस्य समुदायस्य च मध्ये संघर्षस्य झलकी दृश्यते। पूर्वदृश्यं चलचित्रस्य गम्भीरस्य सामाजिकविषयस्य संकेतं ददाति।

चलचित्रे मनोजबाजपेयी-महोदयस्य अतिरिक्तं दिव्यादत्ता तथा बोमनईरानी अपि महत्त्वपूर्णभूमिकासु दृश्येते। कथायां एकस्य तादृशस्य व्यक्तेः संघर्षः प्रदर्श्यते, यः स्वपरितः स्थितानां जनानां सामाजिकव्यवस्थायाश्च विरुद्धं स्थातुं निर्णयं करोति। ‘लास्ट् मैन इन् टावर’ इति चलचित्रं ११ सितम्बर् दिनाङ्के चलचित्रगृहेषु प्रदर्शितं भविष्यति। पण्यविपण्ये अस्य चलचित्रस्य स्पर्धा अक्षयकुमारस्य आगामीचलचित्रेण ‘हैवान’ इत्यनेन सह भविष्यति।

Hindusthan Samachar / Dheeraj Maithani