नवदिल्ली, २७ अगस्तमासः (हि.स.)। राष्ट्रीयस्वयंसेवकसंघेन विवेकानन्द-शिलास्मारकस्य विवेकानन्दकेन्द्रस्य च अध्यक्षस्य ए. बालकृष्णनस्य निधनस्य विषये भावपूर्णा श्रद्धाञ्जलिः अर्पिता। संघेन उक्तं यत् तेन स्वजीवनस्य सम्पूर्णं कालं स्वामीविवेकानन्दस्य विश्वबन्धुत्वस्य सहिष्णुतायाः च सन्देशस्य प्रसारणे राष्ट्रस्य समाजस्य च सेवायां समर्पितम्।

संघस्य सरसंघचालकः डॉ. मोहनभागवतः सरकार्यवाहः दत्तात्रेयः होसबाले च संयुक्तशोकसन्देशे अवदताम् — “बालकृष्णनमहोदयः स्वामीविवेकान-न्दस्य कार्यं अग्रे नेतुं कन्याकुमारीस्थस्य विवेकानन्दकेन्द्रस्य आजीवनसमर्पितस्य स्वयंसेवकदलस्य प्रारम्भिकवंशस्य स्वयंसेवकाः आसन्। तस्य निधनात् हिन्दूसमाजेन एका महान् आत्मा नष्टा अस्ति। तस्य देवलोकगमनेन उत्पन्नस्य रिक्तस्थानस्य पूर्तिः अत्यन्तं कठिनास्ति। वयं दिवंगताय बालकृष्णन-वर्याय विनम्रां श्रद्धाञ्जलिं समर्पयामः तथा परमात्मानं प्रार्थयामहे यत् अस्मै पुण्यात्मने परमां गतिं मोक्षं च प्रददातु।”

तौ अवदताम् यत् बालकृष्णनः कर्मयोगस्य साक्षात् प्रतिमूर्तिः आसीत्। तेन स्वजीवनस्य सम्पूर्णं कालं स्वामीविवेकानन्दस्य विश्वबन्धुत्वस्य सहिष्णुतायाः च सन्देशस्य प्रसारणे राष्ट्रस्य समाजस्य च सेवायां समर्पितम्। तस्य सरलजीवनम्, निःस्वार्थसेवा, त्यागः हिन्दुत्वे च तस्य निष्ठा भारतवासिनां कृते सदैव प्रेरणास्रोतः भविष्यति।

Hindusthan Samachar / Divya Ranjan