मुख्यमन्त्रिनिवासे रक्षाबन्धनस्य आत्मीयः उल्लासः, विभिन्नक्षेत्रेभ्यः आगताभिः मातृभिः भगिनीभिश्च मुख्यमन्त्रिणे रक्षासूत्रं बद्धम्

रायपुरम्, २८ अगस्तमासः (हि.स.)। मुख्यमन्त्रिनिवासे शुक्रवासरे रक्षाबन्धनस्य पर्व आत्मीयतायाः स्नेहस्य उल्लासस्य च वातावरणे समाचरितम्। समाजस्य विभिन्नक्षेत्रेभ्यः आगताभिः मातृभिः भगिनीभिश्च मुख्यमन्त्रिणः विष्णुदेवसायस्य मणिबन्धे रक्षासूत्रं बद्ध्वा तस्मै स्वस्नेहः आशीर्वादश्च प्रदत्तः। मुख्यमन्त्री विष्णुदेवसायः सर्वासां भगिनीनााम् आत्मीयं स्वागतं कुर्वन् अवदत् यत् भगिनीभ्यः प्राप्तः अयं स्नेहः तस्य कृते अमूल्यः अस्ति तथा तासाम् आशीर्वादः प्रदेशसेवायाः सङ्कल्पं अधिकं दृढं करोति।

मुख्यमन्त्री विष्णुदेवसायः अवदत् यत् रक्षाबन्धनं भ्रातृभगिन्योः अखण्डस्य स्नेहस्य विश्वासस्य आत्मीयतायाश्च पावनं पर्व अस्ति। भगिनी स्वभ्रातुः मनिबन्धे रक्षासूत्रं बध्नाति, तस्य सुखमयस्य मङ्गलमयस्य च जीवनस्य कामनां च करोति। तत्रैव भ्राता स्वभगिन्याः सम्मानस्य सुरक्षायाः सुखदुःखयोश्च सदैव तस्याः पार्श्वे स्थातुं सङ्कल्पं करोति।

मुख्यमन्त्री अवदत्, “मम कृते अयं महत् सौभाग्यस्य दिवसः अस्ति यत् समाजस्य विभिन्नक्षेत्रेभ्यः भवन्त्यः सर्वाः भगिन्यः रक्षाबन्धनस्य पवित्रं पर्व आचरितुं मुख्यमन्त्रीनिवासम् आगतवत्यः। भवतीनां सर्वासां स्नेहः आशीर्वादश्च प्रदेशस्य मातॄणां भगिनीनां च कल्याणाय अधिकेन समर्पणेन कार्यं कर्तुं मां प्रेरयति।”

कार्यक्रमे स्वर्गीयस्य कर्नल् अशोककुमारदुबे इत्यस्य धर्मपत्नी सरला दुबे मुख्यमन्त्रिणे सायाय रक्षासूत्रं बबन्ध। अस्य आत्मीयस्य क्षणस्य उल्लेखं कुर्वन् मुख्यमन्त्री अवदत् यत् स्वर्गीयः कर्नल अशोककुमारदुबे सेनायां सम्मिलितः छत्तीसगढस्य प्रथमः सैनिकः आसीत्। तस्य धर्मपत्नी श्रीमती दुबे इत्यस्याः हस्तेन रक्षासूत्रं बन्धयितुं स्वस्य कृते विशेषरूपेण भावुकः गौरवपूर्णश्च क्षणः अस्ति।

कार्यक्रमे प्रजापिता ब्रह्माकुमारी ईश्वरीयविश्वविद्यालयस्य सवितादीदी स्मृतिदीदी च, सावित्रीजयसवालः, पद्मश्री डॉ. उषाबारले, छत्तीसगढराज्यस्य महिलाआयोगस्य अध्यक्षा ममतासाहू, छत्तीसगढचलचित्रविकासनिगमस्य अध्यक्षा मोनासेन इत्यादयः महिला-पत्रकाराः, स्वसहायतासमूहानां दीदिभ्यः, लक्षपतिदीभ्यः, ड्रोनदीदिभ्यः, ई-रिक्शादीदिभ्यः, टीमप्रहरी-सदस्याः, विभिन्नसमाजानां महिलाः दिव्याङ्गभगिन्यश्च मुख्यमन्त्रिणे रक्षासूत्रं बबन्धुः।

मुख्यमन्त्री सायः राजधानीरायपुरे आयोजितस्य ‘स्नेहस्य डोर’ इति कार्यक्रमस्य उल्लेखं कुर्वन् अवदत् यत् रक्षाबन्धनपर्वणः देशस्य प्रदेशस्य च सुरक्षायै समर्पितानां सैनिकानां प्रति सम्मानस्य कृतज्ञतायाश्च भावेन सह संयोजनम् अत्यन्तं सुखदः अनुभवः आसीत्।

सः अवदत् यत् स्वसहायतासमूहानां भगिनीभिः, दिव्याङ्गभगिनीभिः बलिदानिनां सैनिकानां परिवारस्य महिलाभिश्च सीआरपीएफ्, बीएसएफ्, सीआईएसएफ्, आईटीबीपी इत्यादीनां विभिन्नानां सुरक्षाबलानां प्रायः १६०० सैनिकानां मनिबन्धेषु रक्षासूत्रं बद्ध्वा तं प्रति स्वस्नेहः सम्मानश्च प्रकटितः। अस्माकं सैनिकाः उत्सवेष्वपि स्वपरिवारात् दूरे स्थित्वा देशस्य प्रदेशस्य च सुरक्षायाः दायित्वं निर्वहन्ति। एतादृशेभ्यः वीरसैनिकेभ्यः सम्मानं प्रकटयितुं सर्वेषाम् अस्माकं दायित्वम् अस्ति।

मुख्यमन्त्री सायः कार्यक्रमे उपस्थितानां महिला-पत्रकाराणां विशेषतया स्वागतं कुर्वन् अवदत् यत् पत्रकारिता साहसस्य, संवेदनशीलतायाः उत्तरदायित्वस्य च कार्यम् अस्ति। अस्माकं महिला-पत्रकाराः अनेकासु समस्यापूर्णपरिस्थितिषु स्वदायित्वं निर्वहन्त्यः समाजं देशस्य विश्वस्य च घटनाक्रमैः अवगतं कारयन्ति।

मुख्यमन्त्री आत्मीयं प्रसङ्गं सहभागं कुर्वन् अवदत् यत् दिल्लीयात्रायाः अनन्तरं प्रत्यागच्छतः तस्य आज प्रातः विमानपत्तने पत्रकारभगिनी जिज्ञासया तस्मै रक्षासूत्रं बद्ध्वा स्वस्नेहं प्रकटितम्।

मुख्यमन्त्री अवदत् यत् अद्य स्वसहायतासमूहानां दीदिभ्यः, लक्षपतिदीभ्यः, ड्रोनदीदिभ्यः, ई-रिक्शादीदिभ्यः, सेटेरिङ्ग-प्लेट्-दीदिभ्यः मितानिन-दीदिभ्यश्च स्वस्वक्षेत्रेषु महिलासशक्तीकरणस्य नूतनाः आदर्शाः प्रस्तुताः क्रियन्ते। पञ्चायतनिर्वाचनेषु महिलाभ्यः पञ्चाशत्प्रतिशतं आरक्षणं प्राप्तत्वात् स्थानीयनेतृत्वे महिलानां भूमिका अधिकं सुदृढा अभवत्। अद्य अनेकाः सरपञ्चदीद्यः स्वनेतृत्वेन नवाचारैश्च ग्रामाणां विकासाय नूतनां दिशं प्रददति।

मुख्यमन्त्री सायः अवदत् यत् महिलानाम् आर्थिकसशक्तीकरणं सर्वकारस्य सर्वोच्चप्राथमिकतासु अन्तर्भवति। अस्यैव उद्देशस्य पूर्तये महतारी-वन्दनयोजनायाः माध्यमेन प्रदेशस्य प्रायः ६८ लक्षं महिलाभ्यः प्रतिमासं सहस्ररुप्यकाणां आर्थिकसहायता प्रदीयते।

सः अवदत् यत् प्रदेशस्य मातरः भगिन्यश्च रक्षाबन्धनपर्व उत्साहेन उमङ्गेन च आचरितुं शक्नुयुः, एतदर्थं निर्धारितसमयात् पूर्वमेव अगस्तमासस्य २५ दिनाङ्के महतारी-वन्दनयोजनायाः ३१वीं किस्तस्य रूपेण ६३१ कोटिरूप्यकेभ्यः अधिका राशिः भगिनीनां धनागारेषु अन्तरणेन प्रेषिता।

मुख्यमन्त्री अवदत् यत् महतारी-वन्दनयोजना केवलम् आर्थिकसहायतायाः योजना नास्ति, अपि तु अनया महिलानां आत्मविश्वासः वर्धितः अस्ति। भगिन्यः एतां राशिं स्वस्य लघ्वावश्यकतानां, बालानां शिक्षायाः, स्वास्थ्यस्य, सञ्चयस्य आजीविकासम्बद्धानां च गतिविधीनां कृते उपयुञ्जते।

Hindusthan Samachar / Divya Ranjan