जयपुरम्, 28 अगस्तमासः (हि.स.)।

जयपुरस्य जगत्पुरास्थिते गुप्तवृन्दावनधाम्नि शुक्रवासरे श्रीबलरामपूर्णिमामहोत्सवः श्रद्धया उल्लासेन च आचरितः। तेन सह धाम्नि श्रीकृष्णजन्माष्टमी-महोत्सवानाम् अपि शुभारम्भः अभवत्।

बलरामपूर्णिमायाः पावनावसरे भगवते छप्पन्नभोगस्य विशेषा झाँकी सज्जिता। संकीर्तनम्, पालकी-महोत्सवः, महाभिषेकः, महाआरती च आयोजिताः। ततः श्रद्धालुभ्यः महाप्रसादस्य वितरणमपि कृतम्। अस्य पूर्वं प्रवर्तमानायाः कृष्णकथायाः अपि समापनम् अभवत्।

महोत्सवस्य समये धामपरिसरः भक्तिसंगीतस्य संकीर्तनस्य च मधुरध्वनिभिः गुंजितः अभवत्। बहुसंख्याकाः श्रद्धालवः भगवान् बलरामस्य दर्शनं कृत्वा विशेषपूजाऽर्चनासु भागं गृहीतवन्तः।

धामे शनिवासरात् त्रिदिवसीयः श्रीकृष्णजन्माष्टमी-कार्निवलः प्रारप्स्यते। सः अगस्तमासस्य २९ दिनाङ्कात् ३१ दिनाङ्कपर्यन्तं प्रचलिष्यति। अस्य आयोजनस्य उद्देश्यं बालकान् युवजनांश्च भारतीयसंस्कृत्या सनातनमूल्यैश्च सह संयोजयितुम् अस्ति।

कार्निवले बालकाः राधाकृष्णयोः, अभिभावकाः नन्दयशोदयः, अन्ये च पौराणिकपात्राणां वेशभूषां धृत्वा भागं ग्रहीष्यन्ति। भक्तिसंगीतम्, कीर्तनम्, शास्त्रीयनृत्यम्, आमन्त्रितकलाकाराणां विशेषप्रस्तुतयश्च अस्य प्रमुखाकर्षणानि भविष्यन्ति।

गुप्तवृन्दावनधामस्य माध्यमप्रवक्ता सिद्धस्वरूपदासः अवदत् यत् गुप्तवृन्दावनधामे सितम्बरमासस्य ४ दिनाङ्के श्रीकृष्णजन्माष्टमीस्य मुख्य-महोत्सवः आयोजितः भविष्यति। तदर्थं सज्जताः तीव्रगत्या प्रचलन्ति। श्रद्धालूनां सुगमदर्शनार्थं चतुर्षु पृथक्पङ्क्तिषु व्यवस्था क्रियमाणा अस्ति।

धामप्रबन्धनस्य अनुसारं जन्माष्टमीपर्वणि लक्षाधिकाः श्रद्धालवः आगमिष्यन्तीति सम्भावना अस्ति। दिवसभरं विशेषाभिषेकः, अष्टोत्तरशतभोगः संकीर्तनं च भविष्यति। मध्यरात्रौ भगवान् श्रीकृष्णस्य विशेषमहाभिषेकः सम्पादयिष्यते।

जन्माष्टम्याः परदिने, सितम्बरमासस्य ५ दिनाङ्के, नन्दोत्सवः तथा श्रीलप्रभुपादव्यासपूजामहोत्सवश्च आचरिष्यते। अस्मिन् अवसरे विशेषाभिषेकेन सह भगवते १००८ भोगाः समर्पयिष्यन्ते।

ततः सितम्बरमासस्य ६ दिनाङ्के भगवद्गीतायाः शिक्षासु आधारितः विशेषः निःशुल्कः संगोष्ठी आयोजितः भविष्यति।

गुप्तवृन्दावनधामस्य माध्यमप्रवक्ता सिद्धस्वरूपदासः अवदत् यत् जन्माष्टमीमहोत्सवस्य सन्दर्भे श्रद्धालूनां सुविधायै व्यवस्थासु च विशेषं ध्यानं दीयते।

---------------

Hindusthan Samachar / Dheeraj Maithani