इस्कॉनसंस्थायाः 60तमस्य स्थापना वर्षस्य उपलक्ष्ये अस्मिन्पर्याये भव्यम् आयोजनम्

झांसी, 28 अगस्तमासः (हि.स.)।

इस्कॉन-संस्थायाः विश्वव्यापि-स्थापनायाः षष्टिवर्षपूर्तेः विशेषावसरे अस्मिन् वर्षे झाँसीनगरे श्रीकृष्णजन्माष्टमी-महोत्सवः अधिकभव्येन विस्तीर्णेन च स्वरूपेण आयोज्यते। गतवर्षस्य सफलतायाः अनन्तरम् इस्कॉन झाँसीसंस्था सितम्बरमासस्य द्वितीयदिनाङ्कात् चतुर्थदिनाङ्कपर्यन्तं क्राफ्ट-मेला-प्राङ्गणे बुन्देलखण्डस्य बृहत्तमं जन्माष्टमी-महोत्सवं आयोजयितुं सज्जा अस्ति। महोत्सवे भक्तेः सह युवानां उत्साहस्य, सङ्गीतस्य संस्कृतेश्च अद्वितीयः सङ्गमः द्रष्टुं लप्स्यते।

सितम्बरमासस्य द्वितीयदिनाङ्के त्रिसहस्राधिकैः युवभिः सह इन्स्पिरेशन यूथ फेस्टिवल इति युवा-महोत्सवः आयोज्यते। अस्मिन् दिल्लीविश्वविद्यालयस्य विद्यार्थिभिः रैप्-प्रस्तुतिः, बैक् टू टैलेन्ट् इत्यस्य नृत्यप्रस्तुतिः, नाट्यप्रस्तुतिश्च भविष्यन्ति। वृन्दावन-नोएडा-योः दलस्य मन्त्र रॉक् इति प्रस्तुतिरेव प्रमुखाकर्षणं भविष्यति।

सितम्बरमासस्य तृतीयदिनाङ्के भजन-मिश्रणाधारितं सजीवं नृत्यं, महाभारतम् आधृत्य रैप्-प्रस्तुतिः, शाजिश् बैण्ड् इत्यस्य प्रस्तुतिरेव तथा हैदराबादस्य कीर्तन-रसिकेन भजन-क्लबिङ्ग् इति कार्यक्रमः भविष्यति।

सितम्बरमासस्य चतुर्थदिनाङ्के, श्रीकृष्णजन्माष्टम्याः पावनावसरे, एकाधिकशताष्टकलशैः भगवान् श्रीकृष्णस्य भव्य-महाभिषेकः, छप्पनभोगः तथा महाआरती च आयोजयिष्यन्ते। महाभिषेके सहस्रशः भक्तानां सहभागितायै विशेषव्यवस्था कृता अस्ति।

सितम्बरमासस्य पञ्चमदिनाङ्के इस्कॉन-संस्थायाः संस्थापकाचार्यस्य श्रीलप्रभुपादस्य व्यासपूजायाः अवसरे इस्कॉन-मन्दिरे झाँसीनगरे विशालभण्डारः आयोजयिष्यते।

महोत्सवस्य शुभारम्भः अगस्तमासस्य २९ दिनाङ्के हरिनाम-सङ्कीर्तनयात्रया भविष्यति। अगस्तमासस्य २९ दिनाङ्कात् सितम्बरमासस्य २ दिनाङ्कपर्यन्तं वृन्दावनस्य केशवदासेन श्रीमद्भागवत-कथायाः रसास्वादनं कारयिष्यते।

इस्कॉन-संस्थायाः अध्यक्षः व्रजभूमिदासः अवदत् यत् झाँसीनगरस्य इस्कॉन-संस्थया सह ऐतिहासिकः सम्बन्धः अस्ति तथा च श्रीलप्रभुपादेन १९५० तमे दशक एव अत्रतः स्वकीयस्य आध्यात्मिकान्दोलनस्य विस्तारस्य प्रयासः कृतः आसीत्। तेन बुन्देलखण्डवासिभ्यः परिवारसहितं अस्मिन् भव्ये महोत्सवे सम्मिलितुं आह्वानं कृतम्।

आयोजनसमित्यां वरिष्ठसदस्याः सुरेन्द्ररायः, पीयूषरावतः, महेशसर्राफः, राजीवअग्रवालः, अशोकसेठः, अजयअग्रवालः, अन्योरदासः, रमेशरायः, मनीषनीखरः, आई.के.पाण्डेयः, ललितमोहनदासः, रचितअग्रवालः, राहुलअग्रवालः, अभिषेकअग्रवालः, अभयजैनः, करमवीरः, दीपकसोनी, प्रफुल्लसिङ्घलः, परमाश्रयदासः, जितेन्द्रराठौरः, सौरभअग्रवालः, उमेशलिटोरियाः, वैभवअग्रवालः, अङ्कितरायः, अङ्कुशत्रिपाठी, निमेषखन्नाः, नीरजअग्रवालः, रूपककनोडियाः, मनीषयादवः तथा भरतयादवः च सम्मिलिताः सन्ति।

व्रजभूमिदासः, व्रजजनरञ्जनदासः, प्रियगोविन्ददासः, श्यामविलासदासः, महेश्वरचन्द्रदासः, दामोदरबन्धुदासः तथा भक्तविपिनः सर्वेभ्यः बुन्देलखण्डवासिभ्यः परिवारसहितं महोत्सवे आगन्तुं सादरम् आ पड़ाह्वानं कृतवन्तः।

---------------

Hindusthan Samachar / Dheeraj Maithani