भागलपुर, 28 अगस्त (हि.स.)।

रक्षाबन्धनपर्वणः अवसरे शुक्रवासरे महिलानां छात्राणां च सुरक्षायां स्वप्रतिबद्धतां प्रदर्शयन् भागलपुरपुलिसद्वारा ‘पुलिसदीदी’ इत्यस्य विभिन्नदलानि विधिवत् रूपेण प्रस्थापितानि।

अस्मिन् अवसरे वरिष्ठपुलिसाधीक्षकः नगरपुलिसाधीक्षकश्च ‘पुलिसदीदी’ दलानि हरितध्वजं प्रदर्श्य प्रस्थापितवन्तौ। रक्षाबन्धनसदृशे महत्त्वपूर्णे पर्वणि ‘पुलिसदीदी’दलस्य शुभारम्भः महिलानां पुलिसस्य च मध्ये विश्वासस्य, सुरक्षायाः आत्मीयतायाश्च दृढसम्बन्धस्य प्रतीकरूपेण अस्ति।

अस्याः पहलस्य माध्यमेन एषः सन्देशः प्रदत्तः यत् महिलानां छात्राणां च सुरक्षायै भागलपुरपुलिसः सर्वदा तत्परः प्रतिबद्धश्च अस्ति। सम्प्रति ‘पुलिसदीदी’ दलाय २५ पिङ्क्-स्कूटीयानानि उपलब्धानि कारितानि सन्ति।

अतिरिक्ततया दलस्य समीपे अन्ये द्विचक्रिकावाहनानि अपि उपलब्धानि सन्ति, येषां माध्यमेन विभिन्नेषु क्षेत्रेषु नियमिता प्रभावी च गश्तिः सुनिश्चितं करिष्यते। एतेषां वाहनानां साहाय्येन दलद्वारा तेषु क्षेत्रेषु विशेषनिगरानी स्थापयिष्यते, यत्र बहुसंख्याकाः महिलाः छात्राश्च आवागमनं कुर्वन्ति।

आगामिकाले ‘पुलिसदीदी’ दलस्य संख्या उपलब्धसंसाधनानि च अधिकानि कर्तुं योजना अस्ति, येन जनपदस्य अधिकाधिकेषु क्षेत्रेषु महिलासुरक्षाव्यवस्था प्रभावीरूपेण प्रापयितुं शक्येत।

‘पुलिसदीदी’ दलद्वारा विशेषरूपेण विद्यालयानां, महाविद्यालयानां, अन्येषां च शैक्षणिकसंस्थानानां समीपवर्तीक्षेत्रेषु निगरानी स्थापयिष्यते। तदतिरिक्तं बसस्थानकेषु, प्रमुखविपणीषु, वाणिज्यक्षेत्रेषु अन्येषु च सार्वजनिकस्थलेषु महिलासुरक्षां प्रति विशेषसावधानता पालयिष्यते।

महिलानां छात्राणां च आवागमनयुक्तेषु संवेदनशीलेषु जनसमाकीर्णेषु च क्षेत्रेषु नियमितं गश्तिकार्यं भविष्यति। ‘पुलिसदीदी’ दलस्य उद्देश्यं केवलं गश्ति-निगरानीपर्यन्तं सीमितं न भविष्यति, अपितु महिलाभ्यः छात्राभ्यश्च तेषां सुरक्षासम्बन्धिनी आवश्यकसूचना तथा सहायता प्रदातुं विशेषं ध्यानं दीयते।

‘पुलिसदीदी’ दलानां सर्वासां गतिविधीनां नियमितरूपेण सम्यक् निरीक्षणं भविष्यति। दलानां चक्रं, क्षेत्रीयव्याप्तिः कार्यप्रणाली च प्रभावीरूपेण पर्यवेक्षिता भविष्यति, येन निर्धारितक्षेत्रेषु सुरक्षाव्यवस्थायाः सम्यक् क्रियान्वयनं सुनिश्चितं भवेत्।

भागलपुरपुलिसदलस्य उद्देश्यम् अस्ति यत् जनपदे प्रत्येकं महिला छात्रा च सुरक्षिते, सम्मानपूर्णे भयमुक्ते च वातावरणे स्वदैनन्दिनकार्याणि सम्पादयितुं शक्नुयात्। महिलाः निर्भयतया निःसंकोचं च विद्यालयेषु, महाविद्यालयेषु, कोचिङ्गकेन्द्रेषु, कार्यस्थलेषु, विपणीषु अन्येषु च सार्वजनिकस्थलेषु आवागमनं कर्तुं शक्नुयुः, एतदर्थं पुलिसव्यवस्थां निरन्तरं सुदृढां क्रियते।

‘पुलिसदीदी’ अस्याः दिशायाः भागलपुरपुलिसदलस्य एका महत्त्वपूर्णा पहलः अस्ति। अस्याः माध्यमेन महिलासुरक्षां पुलिसव्यवस्थायाः प्राथमिकतायाः केन्द्रे स्थापयित्वा त्वरिता, संवेदनशीला प्रभावी च पुलिससहायता प्रदातुं प्रयासः क्रियते।

भागलपुरपुलिसः महिलानां छात्राणां च सुरक्षा, सम्मानं गरिमाणं च संरक्षितुं पूर्णतया प्रतिबद्धः अस्ति। जनपदे महिलासुरक्षाव्यवस्थां अधिकं प्रभाविणीं कर्तुं आधुनिकसंसाधनानां, नियमितगश्तेः, उत्तमनिरीक्षणस्य जनसहयोगस्य च माध्यमेन निरन्तरं प्रयासः भविष्यति।

Hindusthan Samachar / Dheeraj Maithani