Enter your Email Address to subscribe to our newsletters
सेंट लुइसम्, 28 अगस्तमासः (हि.स.)।भारतीयः ग्राण्डमास्टर् आर्. प्रज्ञानानन्दः अद्भुतं प्रत्यागमनं कृत्वा इतिहासं रचितवान्। सः गुरुवासरे फाबियानो करूआनां पराजित्य ग्राण्ड् चेस् टूर्-फाइनल्-विजेता भवितुं प्रथमः भारतीयक्रीडकः इति गौरवं प्राप्तवान्।
फाइनल्-स्पर्धायाः अन्तिमदिने प्रज्ञानानन्दः षड्भिः अङ्कैः महता अन्तरेण पश्चात् आसीत्, किन्तु सः अद्भुतं प्रदर्शनं कृत्वा उभे रैपिड्-बाजीः विजितवान्। ततः ब्लिट्ज्-स्पर्धायां दबावपूर्णे मुकाबलेऽपि अग्रतां धारयित्वा १५-१३ इति अङ्केन उपाधिं स्वनाम्ना कृतवान्।
एषा प्रज्ञानानन्दस्य क्रीडाजीवने अद्यावधि सर्वबृहती उपाधिः अस्ति। अस्याः विजयस्य सह तेन द्विलक्ष-अमेरिकीडॉलर्-परिमिता पुरस्कारराशिः प्राप्ता।
क्लासिकल्-मुकाबलानाम् अनन्तरं करूआनाः षडङ्कानां अग्रतां प्राप्तवान् आसीत्। तथापि प्रज्ञानानन्देन रैपिड् तथा ब्लिट्ज्-स्पर्धयोः मुकाबलस्य दिशां पूर्णतया परिवर्तिता। सः प्रथमं क्लासिकल्-मुकाबलं ०-६ इति अङ्केन पराजितवान्, यदा द्वितीयं मुकाबलं ३-३ इति अङ्केन समतायां समाप्तम्। तदनन्तरं सः उभे रैपिड्-मुकाबले विजित्य अग्रतां प्राप्तवान् तथा चतसृषु ब्लिट्ज्-बाजीषु ताम् अग्रतां संरक्षितवान्।
उपाधिविजयानन्तरं प्रज्ञानानन्दः अवदत् यत् सः एताम् उपाधिं विजित्य प्रसन्नः अस्ति। सः ग्राण्ड् चेस् टूर्-इत्येतत् विश्वचैम्पियनशिप्-अनन्तरं परम्परादृष्ट्या सर्वाधिकमहत्त्वपूर्णासु प्रतियोगितासु अन्यतमां प्रतियोगिताम् इति वर्णितवान्।
---------------
Hindusthan Samachar / Dheeraj Maithani