स्वाभाविकतारका नानी-महोदयस्य बहुप्रतीक्षिता चलचित्रकृतिः ‘द पैराडाइज’ इदानीं निरन्तरं चर्चायां वर्तते। श्रीकान्त ओडेलामहोदयस्य निर्देशननिर्मिता अस्याः चलचित्रकृतेः प्रथमं गीतं ‘आया शेर’ इति दर्शकैः अत्यन्तं प्रशंसितम् अस्ति। अधुना चलचित्रकृतेः द्वितीयं विशेषं च गीतं प्रकाशनाय सज्जम् अस्ति, यस्मिन् अभिनेत्री कीर्तिसुरेशः नानी-महोदयेन सह दृश्यते। अस्य गीतस्य सङ्गीतं अनिरुद्धरविचन्दर-महोदयेन संयोजितम् अस्ति, यदा अस्य पदानि राष्ट्रियपुरस्कारविजेता कसरला श्याम-महोदयेन लिखितानि सन्ति।

कीर्तिसुरेशः सामाजिकमाध्यमे गीतस्य चित्रणस्थलात् नानी-महोदयेन सह एकं चित्रं प्रकाशितवती अस्ति। चित्रे सा नानी-महोदयस्य पोनीटेल्-केशरचनां हस्तेन धारयन्ती दृश्यते। तया सह रोचकं वर्णनमपि लिखितम्— “यदा त्वं तस्य केशान् स्पृशसि, तदा सः अत्यन्तं क्रुद्धो भवति।” अभिनेत्रीया प्रकाशितेन अस्य चित्रस्य प्रशंसकैः उत्सुकता अधिका वर्धिता अस्ति। तथापि तस्याः पात्रस्य गीतस्य कथावस्तुसम्बन्धिनः अधिकाः सूचनाः सम्प्रति प्रकाशिताः न सन्ति।

अपरतः चलचित्रकृतेः ‘आया शेर’ इति गीतं यूट्यूब्-माध्यमे २०० मिलियनतः अधिकानि दर्शनानि प्राप्तवान् अस्ति तथा सामाजिकमाध्यमेष्वपि अस्य गीतस्य हुक्-स्टेप् इति नृत्यभङ्गिमायाः विषये बहु चर्चा प्रचलति।

एसएलवी सिनेमाज् इत्यस्य ध्वजाधीनिर्मिता ‘द पैराडाइज’ इति चलचित्रकृतिः २४ सितम्बर्-दिने चित्रपटगृहेषु प्रदर्शिता भविष्यति। चलचित्रे नानी-महोदयः मुख्यभूमिकायां वर्तते। एषा चलचित्रकृतिः हिन्दी, तेलुगु, तमिल, आङ्ग्ल, स्पेनी, बाङ्ग्ला, कन्नड तथा मलयालम इत्येतेषु अष्टभाषासु प्रदर्शिता भविष्यति।

चलचित्रकृतेः विशालं वैश्विकं परिमाणं दृष्ट्वा निर्मातृभिः अन्ताराष्ट्रियविपणिषु चलचित्रकृतिं प्रस्तुतुं हॉलीवुड्-अभिनेता रयान् रेनॉल्ड्स्-महोदयेन सह सम्पर्कः कृतः इति समाचारः अपि प्रचलति।

Hindusthan Samachar / Dheeraj Maithani