चम्पावत्, २८ अगस्तमासः (हि.स.)। रक्षाबन्धनस्य अवसरे शुक्रवासरे वाराहीधाम्नि, देवीधुरायां ऐतिहासिकस्य बग्वालमेलापकस्य आयोजनं श्रद्धया हर्षोल्लासेन च अभवत्। बहुसंख्याकाः श्रद्धालवः मेलापके समागतवन्तः। मुख्यमन्त्री पुष्करसिंहधामी अपि मेलापके सम्मिलितः भूत्वा माँ वाराहीं पूजयित्वा प्रदेशस्य सुखसमृद्ध्यै प्रार्थनां कृतवान्।

मुख्यमन्त्री अवदत् यत् बग्वालमेलापके उमडितः आस्थायाः जनौघः सनातनसंस्कृतेः देवभूमेः च गौरवपूर्णपरम्पराणां प्रति जनानां गभीरां श्रद्धां प्रदर्शयति। सः अवदत् यत् उत्तराखण्डस्य धार्मिकाः सांस्कृतिकाश्च परम्पराः राज्यस्य परिचायकाः सन्ति तथा च तासां संरक्षणाय संवर्धनाय च सर्वकारः प्रतिबद्धः अस्ति।

सः अवदत् यत् राज्यस्य लोकश्रद्धां, पारम्परिकमेलापकान् सांस्कृतिकवैभवं च संरक्षितुं तेषां विकासाय च विशेषप्रोत्साहनं दीयते। प्रदेशस्य प्राचीनमन्दिराणां धार्मिकस्थलानां च सुनियोजितः विकासः क्रियते तथा च श्रद्धालूनां सुविधायै आवश्यकव्यवस्थानां विस्तारः क्रियते।

मुख्यमन्त्री अवदत् यत् उत्तराखण्डस्य परिचयः प्राकृतिकसौन्दर्येण सह तस्याः प्राचीनधार्मिकपरम्पराभिः, लोक-मान्यताभिः सांस्कृतिकवैभवेन च अपि अस्ति। सर्वकारः एताः परम्पराः संरक्षिताः स्थापयित्वा आधुनिकसुविधाभिः सह ताः संयोजयितुं प्रयत्नं करोति।

सः अवदत् यत् पारम्परिकमेलापकाः धार्मिकायोजनैः सह लोकसंस्कृतेः, सामाजिकसमरसतायाः, स्थानीय-परम्पराणां च संरक्षणस्य महत्त्वपूर्णाः माध्यमाः सन्ति। एतादृशैः आयोजनैः स्थानीयसंस्कृतेः प्रोत्साहनेन सह ग्रामीणार्थव्यवस्थायै पर्यटनाय च लाभः भवति।

मुख्यमन्त्री अवदत् यत् सर्वकारस्य प्रयासः अस्ति यत् प्रदेशस्य प्रमुखेषु धार्मिकेषु सांस्कृतिकेषु च स्थलेषु श्रद्धालुभ्यः उत्तमाः सुविधाः उपलब्धाः भवेयुः तथा च उत्तराखण्डस्य गौरवपूर्णाः परम्पराः देशे विदेशेषु च प्रसारिताः भवेयुः।

Hindusthan Samachar / Divya Ranjan