पिथौरागढ़म्/धारचूला, 28 अगस्तमासः (हि.स.)।

राष्ट्रियक्रीडादिवस-२०२६-अवसरे धौलीगङ्गा-शक्तिकेन्द्रे त्रिदिवसीयक्रीडायोजनस्य शुभारम्भः

राष्ट्रियक्रीडादिवस-२०२६-अवसरे शुक्रवासरे धौलीगङ्गा-शक्तिकेन्द्रस्य निगालपानी-परिसरे त्रिदिवसीयस्य क्रीडायोजनस्य शुभारम्भः अभवत्। आयोजनस्य शुभारम्भः शक्तिकेन्द्रप्रमुखेन एम्. कन्ननेन अन्तर्राष्ट्रिय-ताइक्वाण्डो-क्रीडिकया उपासना बिष्ट्-महोदयया च उपस्थितौ कृतः। कार्यक्रमः अगस्तमासस्य २८ दिनाङ्कतः ३० दिनाङ्कपर्यन्तं प्रचलिष्यति।

विद्युत्-मन्त्रालयस्य निर्देशानुसारं तथा युवा-कार्यक्रम-क्रीडा-मन्त्रालयस्य ‘फिट् इण्डिया मूवमेण्ट्’-अभियानस्य अन्तर्गतं आयोजिते अस्मिन् कार्यक्रमे हॉकी-क्रीडायाः महान् क्रीडकः मेजर् ध्यानचन्दः तस्य जयन्त्यवसरे स्मृतः। उपस्थितैः जनैः तस्य जीवनं, उपलब्धयः तथा भारतीयक्रीडाक्षेत्रे तस्य योगदानं स्मृत्वा श्रद्धाञ्जलिः समर्पिता।

कार्यक्रमस्य शुभारम्भः दीपप्रज्वलनेन अभवत्। अस्मिन् अवसरे एनएचपीसी-संस्थायाः कर्मचारिणः तेषां परिवारजनाः च, केन्द्रीयविद्यालयस्य, सीआईएसएफ्-संस्थायाः, एनडीआरएफ्-संस्थायाः तथा बीआरओ-संस्थायाः अधिकारिणः कर्मचारिणश्च सहभागितां कृतवन्तः।

प्रथमदिने ‘बैट्-एण्ड्-बॉल् बाउन्सिङ्ग् चैलेञ्ज्’, ‘स्किपिङ्ग् चैलेञ्ज्’, फुटबॉल् इत्यादीनि विविधाः क्रीडाः तथा स्वास्थ्यसम्बद्धाः शारीरिकक्रियाकलापाः आयोजिताः। प्रतिभागिभिः उत्साहपूर्वकं सहभागिता कृता तथा क्रीडाभावनायाः परिचयः प्रदत्तः।

आयोजकैः कथितं यत् अस्य कार्यक्रमस्य उद्देश्यं जनान् नियमित-शारीरिकक्रियाकलापेषु तथा क्रीडासु प्रेरयितुं, ‘क्रीडिष्यति भारतं, विजेष्यति भारतम्’ इति भावनायाः संवर्धनं च अस्ति।

---------------

Hindusthan Samachar / Dheeraj Maithani