- मुख्यमन्त्रिणा बलियाजनपदस्य, बाँसडीह-बैरिया-तहसीलयोः जलौघप्रभावितक्षेत्राणां हवाईसर्वेक्षणं कृतम्

- जलौघप्रभावितैः सह वार्तालापं कृत्वा तेषां समस्याः अपि श्रुताः

- समाजवादीपक्षेण प्रत्येकस्मिन् जनपदे एकः दस्यूः उत्पन्नः कृतः आसीत्। अधुना द्वियन्त्र-सर्वकारे सर्वे दस्यवः मृत्तिकायां विलीनाः अभवन्

बलिया, २९ अगस्तमासः (हि.स.)। उत्तरप्रदेशस्य मुख्यमन्त्री योगी आदित्यनाथः शनिवासरे पूर्वोत्तरप्रदेशस्य बलिया, बाँसडीह तथा बैरिया तहसीलयोः जलौघप्रभावितक्षेत्राणां हवाईसर्वेक्षणं कृतवान्। तेन सह जलौघप्रभावितजनानां समस्याः अपि श्रुताः तथा जलौघसहायक-सामग्रीणां वितरणं कृतम्।

कार्यक्रमे बाँसडीहतहसीलस्य गलाफरपुरे मुख्यमन्त्रिणा समाजवादी पार्टी काङ्ग्रेसदलस्य अनुगामिपक्षः इति उक्तम्। सः अवदत् यत् अखिलेशयादवः जयप्रकाशनारायण-अन्ताराष्ट्रियकेन्द्रं निजसम्पत्तिरूपेण परिवर्तयितुम् इच्छति स्म, यतः तस्य निर्माणाय २०० कोटिरूप्यकाणां व्ययः अपेक्षितः आसीत्, किन्तु ८०० कोटिरूप्यकेभ्यः अधिकं धनं व्ययीकृत्यापि तत् अद्यापि पूर्णं न कृतम्।स्वस्य सर्वकारस्य उपलब्धीः वर्णयन् सः उक्तवान् यत् अधुना द्वियन्त्र-सर्वकारः अस्ति, अतः यदि कोऽपि कन्याभ्यः कुदृष्टिं क्षिपति, तर्हि तस्य स्थानं कारागारे अथवा नरके एव भविष्यति। शीघ्रमेव बलियायां भृगु-चिकित्सामहाविद्यालयस्य आधारशिला स्थापयिष्यते।

जलौघपीडितेभ्यः सहायकसामग्रीणां वितरणानन्तरं स्वसम्बोधने मुख्यमन्त्री योगी आदित्यनाथः अग्रे अवदत् यत् यदा काङ्ग्रेसदलेन देशस्य स्वतन्त्रतायाः कण्ठपीडनं कृतम्, तदा जयप्रकाश-नारायणः अग्रे गत्वा तस्य विरोधं कृतवान्। यया काङ्ग्रेसदलेन आपत्कालं प्रवर्त्य लोकतन्त्रस्य कण्ठपीडनं कृतम्, समाजवादी पार्टी अधुना तस्यैव अनुगामिनी अभवत्।

लखनऊनगरे स्थितस्य जयप्रकाश-नारायण-अन्ताराराष्ट्रियकेन्द्रस्य निर्माण-व्ययः केवलं २०० कोटिरूप्यकाणि भवितुम् अर्हति स्म, किन्तु समाजवादीपक्षेण तस्मिन् ८०० कोटिरूप्यकेभ्यः अधिकं धनं व्ययीकृतम्। तथापि तत् अद्यापि अपूर्णम् अस्ति। मुख्यमन्त्रिणा उक्तं यत् समाजवादी-पक्षीयाणां तद् केन्द्रं व्यक्तिगत-सम्पत्तिरूपेण परिवर्तयितुम् अभिप्रायः आसीत्। एतदेव कारणम् आसीत् यत् २०१७ वर्षात् पूर्वं एषः प्रदेशः अविकसितः आसीत्।

तेन उक्तं यत् अस्माकं उत्तरप्रदेशे कस्यापि वस्तुनः अभावः नासीत्, किन्तु समाजवादीपक्षस्य दुष्टजनाः कन्यानां तथा व्यापारिणां सुरक्षायां बाधां जनयन्ति स्म। एतदेव न, समाजवादीपक्षेण प्रत्येकस्मिन् जनपदे एकैकः दस्यूः उत्पन्नः कृतः आसीत्। किन्तु अधुना द्वियन्त्र-सर्वकारे दस्यवः मृत्तिकायां विलीयन्ते। अधुना ‘एकः जनपदः एकं चिकित्सामहाविद्यालयम्’ इति व्यवस्था अस्ति, ‘एकः जनपदः एकः दस्यूः’ इति व्यवस्था नास्ति।

ये दस्यवः पूर्वं प्रदेशे उत्सवात् पूर्वम् उपद्रवं कृतवन्तः, ते अद्य केन मुखेन प्रदेशस्य युवजनानां विषये वदन्ति? यदि कोऽपि कन्यां प्रति कुदृष्टिं क्षिपति, तर्हि कारागारः अथवा नरकः एव तस्य स्थानम् अस्ति।

मुख्यमन्त्री योगी आदित्यनाथः अवदत् यत् अस्मिन् वर्षे प्रदेशे २५१ ग्रामाः जलौघेन प्रभाविताः अभवन्। एकसहस्रं जनाः सहायकशिविरेषु निवासिताः सन्ति। ४४७ जलौघचतुष्पथाः निर्मिताः सन्ति। प्रत्येकं जलौघपीडिताय दश किलोग्रामपरिमितं गोधूमचूर्णं तथा अन्याः आवश्यकसामग्र्यः दीयन्ते।

सः अग्रे अवदत् यत् एताः सर्वाः सामग्रीः अत एव प्रदीयन्ते यत् कश्चिदपि जलौघपीडितः कस्यापि प्रकारस्य कठिनतां न अनुभवेत्त्। सर्वेषां स्वास्थ्यरक्षणाय अपि व्यवस्था कृता अस्ति। पशूनां कृते अपि सर्वकारेण खाद्यसामग्रीणां तथा टीकाकरणादीनां व्यवस्था कृता अस्ति।

सः अवदत् यत् एतत् कार्यं तस्मात् सम्भवं भवति यतः जनैः उत्तमः विधायकः निर्वाचितः अस्ति। यदा उत्तमा सर्वकारः निर्वाच्यते, तदा उत्तमं कार्यमपि भवति। बलियायां दयाशङ्करसिंहः निर्वाचितः, अतः सः अपि उत्तमं कार्यं करोति।

रक्षाबन्धनपर्वणि त्रिदिनपर्यन्तं परिवहन-विभागस्य बसयानैः निःशुल्कयात्रायाः सुविधा प्रदत्ता। ह्यः आरभ्य षष्टि-वर्षाधिकवयस्काभ्यः महिलाभ्यः निःशुल्क-यात्रायाः उपहारः प्रदत्तः अस्ति। मुख्यमन्त्री अवदत् यत् सर्वकारः प्रत्येकं निर्धनेन सह अस्ति तथा कश्चिदपि एकाकी न परित्यज्यते।

दुर्घटना कस्यापि प्रकारस्य भवतु—जलौघेन, आकाशीयविद्युत्पातेन अथवा वन्यजीवैः सह सङ्घर्षेण मृत्युः भवतु—सर्वकारेण त्वरितसहायता प्रदीयते। एतत् सर्वं द्वियन्त्र-सर्वकारस्य कारणेन सम्भवति। प्रत्येकं महिलायै, प्रत्येकं कृषकाय तथा युवजनाय कार्यं क्रियते। समाजवादीपक्षस्य सर्वकारकाले तु सहायकसामग्रीमपि हृतवन्तः। मुख्य-मन्त्रिणा मञ्चात् भाजपादलस्य विधायकानां, मन्त्रिणां तथा नेतृणां नामानि उल्लिख्य उक्तं यत् एते सर्वे नेतारः बलियायाः विकासाय तत्पराः सन्ति।

जनैः सह प्रत्यक्षसंवादं कुर्वन् मुख्यमन्त्री योगी आदित्यनाथः बलियानिवासिनां अत्यधिकं प्रशंसां कृतवान्। सः अवदत् यत् बलिया मंगलपाण्डेयस्य, जयप्रकाश-नारायणस्य तथा चित्तुपाण्डेयस्य भूमिः अस्ति। बलियानिवासी जनः विशिष्टं परिचयं धारयति तथा स्वकीयं परिचयं न गोपयति।

सः अवदत्— “अहं शीघ्रमेव चिकित्सामहाविद्यालयस्य शिलान्यासार्थम् पुनः आगमिष्यामि।”

अस्मिन् अवसरे जलशक्तिमन्त्री स्वतन्त्र-देवसिंहः, प्रभारीमन्त्री दयाशङ्करमिश्रः ‘दयालुः’, परिवहनमन्त्री दयाशङ्करसिंहः, अल्पसंख्यकमन्त्री दानिश आजाद अन्सारी, राज्यसभासदस्यः नीरजशेखरः, विधायिका केतकीसिंहः, विधायकः हंसूरामः, विधानपरिषद्सदस्यः रवि-शङ्करसिंहः ‘पप्पू’, जनपदाध्यक्षः संजयमिश्रः, सुनीताश्रीवास्तवः, भरतसिंहः, आनन्दस्वरूपशुक्लः, उपेन्द्रतिवारी, राजधारीसिंहः, संजययादवः, शिव-शङ्करचौहानः, सुरेन्द्रसिंहः इत्यादयः उपस्थिताः आसन्।

Hindusthan Samachar / Divya Ranjan