रायपुरम्, 29 अगस्तमासः (हि.स.)।

भारतीयजनतापक्षेण प्रधानमन्त्रिणः नरेन्द्रमोदिनः सार्वजनिकजीवने पञ्चविंशतिवर्षाणां पूर्त्यवसरे आयोजितस्य ‘सेवासङ्कल्पाभियानस्य’ सन्दर्भे अद्य रायपुरनगरे महत्त्वपूर्णा सङ्घटनात्मककार्यशाला आयोज्यते। भाजपायाः प्रदेशकार्यालये कुशाभाऊठाकरेपरिसरे सेवासङ्कल्पाभियानं प्रति भारतीयजनतापक्षस्य कार्यशाला आयोजयिष्यते। कार्यशालायां राष्ट्रियसहसङ्घटनमहामन्त्री शिवप्रकाशः सहभागिता करिष्यति।

अस्मिन् कार्यक्रमे मुख्यमन्त्री विष्णुदेवसायः सह प्रदेशसर्वकारस्य सर्वे मन्त्रिणोऽपि उपस्थिताः भविष्यन्ति। राष्ट्रव्यापी इदं अभियानं सितम्बरमासस्य सप्तदशदिनाङ्कात् आरभ्य अक्टोबरमासस्य सप्तदशदिनाङ्कपर्यन्तं द्विसहस्रषड्विंशतितमे वर्षे प्रचलिष्यति।

अद्यतनकार्यशालायाः मुख्योद्देश्यं राज्यस्तरे जिलास्तरे च पक्षकार्यकर्तृभ्यः दायित्वानां वितरणं तथा अभियानस्य अन्तर्गतं आयोज्यमानानां कार्यक्रमाणाम् कार्यसूच्याः निर्धारणं वर्तते। अस्य अभियानस्य अवधौ प्रदेशस्य सर्वेषु भागेषु पक्षस्य पक्षतः विविधाः सेवागतिविधयः आयोजयिष्यन्ते।

पक्षेण प्रदत्तसूचनानुसारं भाजपायाः सेवासङ्कल्पाभियानस्य अन्तर्गतं प्रदेशस्य सर्वेषु भागेषु पञ्चविंशतिः प्रमुखाः सेवागतिविधयः आयोजयिष्यन्ते। अस्य अवधौ ‘सेवासेत्वभियानस्य’ अन्तर्गतं विकासखण्डस्तरे विशेषशिबिराणि आयोजयिष्यन्ते। तेषां माध्यमेन सर्वकारीययोजनाभ्यः वञ्चिताः पात्रलाभार्थिनः प्रत्यक्षतया लाभेन सम्बद्धाः करिष्यन्ते।

पक्षकार्यकर्तारः प्रत्येकं मतदानकेन्द्रं गत्वा जनान् सर्वकारस्य जनकल्याणकारीणां योजनानां विषये सूचनां प्रदास्यन्ति। अभियानस्य अवधौ स्वच्छताभियानानि सञ्चालयिष्यन्ते तथा अग्रिमपङ्क्तौ कार्यरताः आङ्गनवाडीकार्यकर्तारः सम्मानिताः करिष्यन्ते।

देशस्य युवानः आकर्षयितुं तेषां नूतनविचाराणां च मञ्चं प्रदातुं ‘राष्ट्रिय-नवाचार-चुनौती’ इत्यस्य शुभारम्भः करिष्यते। अस्याः अन्तर्गतं वृक्षारोपणम्, स्वच्छताभियानं, रक्तदानशिबिराणि च प्रमुखरूपेण आयोजयिष्यन्ते।

Hindusthan Samachar / Dheeraj Maithani