Enter your Email Address to subscribe to our newsletters
देवरिया, 29 अगस्तमासः (हि.स.)। मुख्यमन्त्री योगी आदित्यनाथः शनिवासरे मझौलीराजे आयोजिते कार्यक्रमे सलेमपुर-भाटपाररानी-विधानसभाक्षेत्राभ्यां प्रायः ३०५ कोटिरूप्यकाणां विकासपरियोजनानां उपहारं प्रदास्यति। मुख्यमन्त्री अस्मिन् अवसरे कुलम् ८० परियोजनानां लोकार्पणं शिलान्यासं च करिष्यति। एतासु २३ परियोजनानां लोकार्पणं १३९.४७ कोटिरूप्यकाणां व्ययेन, ५७ परियोजनानां शिलान्यासश्च १६५.५० कोटिरूप्यकाणां व्ययेन प्रस्तावितः अस्ति।
एतासु परियोजनासु मार्गाः, सेतवः, सम्पर्कमार्गाश्च सम्बद्धाः अनेकाः महत्त्वपूर्णाः कार्याः सम्मिलिताः सन्ति। एतेषां कार्याणां पूर्णत्वेन उभयोः विधानसभाक्षेत्रयोः आवागमनव्यवस्था सम्पर्कव्यवस्था च सुदृढा भविष्यति इति अपेक्षा अस्ति।
मुख्यमन्त्री पूर्वाह्ने प्रायः ११ वादने हेलिकॉप्टरयानेन मझौलीराजस्थले स्थितं कार्यक्रमस्थलं प्राप्स्यति। तत्र सः जनसभां सम्बोधयिष्यति तथा विभिन्नविभागैः स्थापितानां प्रदर्शनीकक्षाणां निरीक्षणं करिष्यति। तदतिरिक्तं पञ्च लाभार्थिभ्यः विभिन्नासां सर्वकारीययोजनानां प्रमाणपत्राणि सहाय्यराशिं च वितरिष्यति। प्रायः सार्धैकघण्टापर्यन्तं कार्यक्रमस्य अनन्तरं मुख्यमन्त्री मध्याह्ने प्रायः १२:१५ वादने ततः प्रस्थास्यति।
Hindusthan Samachar / Dheeraj Maithani