नव दिल्ली, 29 अगस्तमासः (हि.स.)। केन्द्रीयसंसदीयकार्य-मन्त्री किरेनरिजिजूः अगस्तमासस्य ३१ दिनाङ्के सितम्बरमासस्य च १ दिनाङ्के सर्बियादेशस्य राजधानी बेलग्रेड्-नगरे आयोज्यमाने गुटनिरपेक्षान्दोलनस्य प्रथमशिखरसम्मेलनस्य ६५तमवर्षपूर्त्युपलक्ष्ये आयोजिते उच्चस्तरीय-स्मृतिकार्यक्रमे भारतीयप्रतिनिधिमण्डलस्य नेतृत्वं करिष्यति।विदेशमन्त्रालयेन उक्तं यत् अस्य कार्यक्रमस्य विषयवस्तु ‘गुटनिरपेक्षतायाः विरासत् — अद्यतनविश्वस्य कृते शिक्षाः’ इति निर्धारिता अस्ति। भारतं गुटनिरपेक्षान्दोलनस्य संस्थापकसदस्यम् अस्ति तथा च आन्दोलनस्य सिद्धान्तेषु मूल्यमान्यतासु च स्वस्य प्रतिबद्धतां निरन्तरं धारयति।गुटनिरपेक्षान्दोलने सम्प्रति १२१ विकासशीलदेशाः सम्मिलिताः सन्ति। ऐतिहासिकदृष्ट्या इदं आन्दोलनं विकासशीलदेशानां कृते एकं साझा-मञ्चम् अस्ति। भारतं आन्दोलनस्य स्थापनायां तस्य उद्देश्यानां च प्रवर्धने महत्त्वपूर्णां भूमिकां निर्वहितवान् अस्ति।बेलग्रेड्-नगरे आयोज्यमाने उच्चस्तरीय-स्मृतिसम्मेलने गुटनिरपेक्षतायाः विरासत् तथा वर्तमानवैश्विकपरिस्थितौ तस्याः प्रासङ्गिकता इत्येतयोः विषये विचारविमर्शः भविष्यति। सम्मेलने आन्दोलनस्य मूलसिद्धान्तानां परिवर्तमानान्तर्राष्ट्रीयपरिस्थितौ तेषां भूमिकायाश्च विषये चर्चा भविष्यति।गुटनिरपेक्षान्दोलनस्य प्रथमं राष्ट्राध्यक्षानां शासनाध्यक्षानां च सम्मेलनं १९६१ तमस्य वर्षस्य सितम्बरमासे बेलग्रेड्-नगरे आयोजितम् आसीत्। भारतस्य तत्कालीनः प्रधानमन्त्री जवाहरलालनेहरूः आन्दोलनस्य प्रमुखेषु संस्थापकनेतृषु अन्यतमः आसीत्। आन्दोलनस्य उद्देश्यं देशेभ्यः कस्यापि सैन्यगुटस्य सदस्यत्वं विना स्वतन्त्रविदेशनीतेः अनुसरणाय साझा-मञ्चस्य उपलब्धिं सुनिश्चितं कर्तुम् आसीत्।भारतं गुटनिरपेक्षान्दोलनस्य माध्यमेन विकासशीलदेशानां सम्प्रभुताम्, स्वतन्त्रविदेशनीतिम्, शान्तिपूर्णसह-अस्तित्वम्, अन्तर्राष्ट्रीयसहयोगम् इत्यादीन् विषयान् निरन्तरं प्रवर्धितवान् अस्ति।

---------------

Hindusthan Samachar / Dheeraj Maithani