जबलपुरम्, 29 अगस्तमासः (हि.स.)। एमपी पावर मैनेजमेंट कम्पनी की केन्द्रीय क्रीडा एवं कला परिषद् के तत्वावधाने शनिवासरे हॉकी-क्रीडायाः जादूगरस्य ध्यानचन्दस्य एकविंशत्यधिकैकशततमं जन्मजयन्तीदिनं क्रीडादिवसरूपेण आचरितम्।

केन्द्रीय क्रीडा एवं कला परिषदः महासचिवः फिरोजकुमार-मेश्रामः, सचिवकार्यालयस्य नितिनखत्री, क्रीडासचिवः एमसी बालोदी, पूर्वक्रीडासचिवः अनिलअलङ्गः सहिताः सर्वे क्रीडाप्रभारिणः, क्रीडकाः, महिलाः बालकाश्च परिषदः मशालपरिसरे स्थापितायां ध्यानचन्दस्य प्रतिमायां माल्यार्पणं कृत्वा श्रद्धाञ्जलिं समर्पितवन्तः। उल्लेखनीयं यत् वर्षे २०२४ तमे ध्यानचन्दस्य प्रतिमा स्थापिता आसीत्। मध्यप्रदेशे हॉकी-क्रीडायाः जादूगरस्य स्थापितायाः प्रतिमासु एषा प्रथमप्रतिमा अस्ति।

प्रत्येकं कार्मिकं प्रतिदिनं त्रिंशत् निमेषं शारीरिकक्रियायै सर्वोच्चप्राथमिकतां दद्यात्।

केन्द्रीय क्रीडा एवं कला परिषदः महासचिवः अस्मिन् अवसरे उपस्थितान् जनान् सम्बोधयन् अवदत् यत् सर्वेषां विद्युत्कम्पनीनां कार्मिकाः फिट् इण्डिया-आन्दोलनस्य अनुरूपं न्यूनातिन्यूनम् एकघण्टां क्रीडाङ्गणे व्यतीयेयुः। सः अवदत् यत् क्रीडादिवसे केन्द्रीय क्रीडा एवं कला परिषदः ध्येयं सङ्कल्पश्च अस्ति— “प्रत्येकः कर्मचारी वर्षे न्यूनातिन्यूनम् एकस्यां क्रीडायां संलग्नो भवेत् तथा प्रतिदिनं न्यूनातिन्यूनं त्रिंशत् निमेषं शारीरिकक्रियां कुर्यात्।”

मेश्रामः अवदत् यत् वर्तमानजीवनचर्यां दृष्ट्वा प्रत्येकः कार्मिकः प्रतिदिनं त्रिंशत् निमेषाणां शारीरिकक्रियायै सर्वोच्चप्राथमिकतां दद्यात्।

कार्यक्रमे जनसम्पर्काधिकारी पङ्कजस्वामी अवदत् यत् हॉकी-क्रीडायाः जादूगरस्य मेजर् ध्यानचन्दस्य जबलपुरनगरेन सह गभीरः सम्बन्धः अस्ति। ध्यानचन्दस्य बाल्यकालः जबलपुरनगरे व्यतीतः। ध्यानचन्दः यदा केवलं चतुर्वर्षीयः बालकः आसीत्, तदा सः प्रथमवारं स्वपितुः ज्येष्ठभ्रातुः समीपे जबलपुरनगरम् आगतवान्। तस्य कनिष्ठभ्राता रूपसिंहस्य जन्म १९०८ तमे वर्षे जबलपुरनगरे एव अभवत्।

ध्यानचन्दस्य जबलपुरनगरेन सह तदा गभीरः सम्बन्धः स्थापितः, यदा तस्य भगिन्याः सुरजादेव्याः विवाहः १९४० तमे वर्षे जबलपुरनिवासिना किशोरसिंहचौहानेन सह अभवत्। किशोरसिंहचौहानः राइट् टाउन्-क्षेत्रे हवाघर इति प्रसिद्धे गृहे निवसति स्म। जनवरी-फरवरी १९७५ तमे वर्षे मध्यप्रदेशविद्युत्मण्डलस्य आमन्त्रणेन हॉकी-क्रीडायाः जादूगरः ध्यानचन्दः अखिलभारतीयविद्युत्क्रीडानियन्त्रणमण्डलस्य हॉकी-क्रीडाप्रतियोगितायाः उद्घाटनं कर्तुं अन्तिमवारं जबलपुरनगरम् आगतवान्।

क्रीडादिवसस्य आयोजने कार्यालयप्रभारी संजयआनन्दः, सहप्रभारी क्रिस्टोफरनरोन्हा, सुमन्तमिश्रः, सुनीलसिंहः, संजयकेने, नीरजदुबे, महेन्द्रसोनी, रावेन्द्रवर्मा, शेखगुलामः, सन्तोषद्विवेदी, संजयसिंहः, अशोकचौहानः, रवीन्द्रअवस्थी, सूर्यभानवर्मा, संजयपोलः, सुरेन्द्रइङ्गले, रोहितकुशवाहा, जुक्तबहादुरः, राकेशस्वामी, घनश्यामरानः, आरडीप्रजापतिः, एसकेशाहः, माधुरीतिवारी, प्रतिभापटेल, अनीतातिवारी, वैशालीसिंहः इत्यादयः बहुसंख्याकाः क्रीडकाः उपस्थिताः आसन्।

---------------

Hindusthan Samachar / Dheeraj Maithani