सीवानम्, 29 अगस्तमासः (हि.स.)।

ग्रामीणमहिलानाम् आत्मनिर्भरकरणाय तथा जीविकादीदीभ्यः स्वरोज़गारस्य उद्यमितायाश्च सह सम्बद्धीकरणस्य दिशि सीवाने महत्त्वपूर्णः उपक्रमः प्रारब्धः। मुख्यमन्त्रिमहिलारोजगारयोजनायाः अन्तर्गतं सीवानसदरप्रखण्डस्य जीयायाः पंचायत्यां जिल्लस्य प्रथमस्य ‘जीविकासुधाविक्रयकेन्द्रस्य’ उद्घाटनं जिलाधिकारी विजयप्रकाशमीणेन फीता छित्त्वा कृतम्। अनेन उपक्रमेण जीविकादीदीभ्यः व्यवसायसञ्चालनस्य सह स्थानीयस्तरे विपणिना सह सम्बद्धतायाः आयवर्धनस्य च अवसरः प्राप्स्यते।

उद्घाटनावसरे जिलाधिकारी अवदत् यत् महिलाभ्यः केवलं सर्वकारीययोजनानां लाभं प्रदातुं पर्याप्तं नास्ति, अपितु ताः स्थायिरोजगारेण, स्वरोज़गारेण उत्तमायस्य च अवसरैः सह सम्बद्धाः करणीयाः। ‘जीविकासुधाविक्रयकेन्द्रम्’ ग्रामीणमहिलानाम् आत्मनिर्भरकरणस्य दिशि महत्त्वपूर्णं सोपानम् अस्ति।

सः अवदत् यत् जीविकायाः माध्यमेन ग्रामीणमहिलाः स्वयं सहायता समूहैः सह संयोज्य वित्तीयसमावेशनस्य, कौशलविकासस्य, आजीविकासंवर्धनस्य उद्यमितायाश्च क्षेत्रेषु निरन्तरं कार्यं क्रियते। जिल्लस्य सर्वाः २८३ पंचायताः अस्य उपक्रमस्य सह सम्बद्धाः करणीयाः इति योजना अस्ति। प्रथमचरणे २३१ पंचायतासु ‘जीविकासुधाविक्रयकेन्द्राणि’ उद्घाटयिष्यन्ते, यदा शेषाः ५२ पंचायताः द्वितीयचरणे सम्बद्धाः करिष्यन्ते।

अनेन ग्रामीणक्षेत्रस्य अधिकाधिकाभ्यः जीविकादीदीभ्यः स्थानीयस्तरे व्यवसायस्य आयस्य च अवसराः उपलब्धाः भविष्यन्ति। जीविका तथा सुधा (कॉम्फेड) इत्येतयोः समन्वयेन सञ्चाल्यमानः अयं उपक्रमः महिलाउद्यमितायाः प्रोत्साहनस्य दिशि महत्त्वपूर्णः मन्यते। अनेन जीविकादीदीनाम् आर्थिकसहभागिता वर्धिष्यते तथा ताः स्वपरिवारस्य सह ग्रामीणार्थव्यवस्थायाः सुदृढीकरणेऽपि योगदानं दातुं शक्नुवन्ति।

जिल्लापरियोजनाप्रबन्धकः, जीविका सीवान, करुणाशङ्करः अवदत् यत् जीविकायाः मुख्योद्देश्यं ग्रामीणदरिद्रपरिवारान्, विशेषतः महिलाः, संगठित्य तान् आर्थिकरूपेण सामाजिकरूपेण च सशक्तान् कर्तुम् अस्ति। ‘जीविकासुधाविक्रयकेन्द्रस्य’ माध्यमेन महिलाभ्यः स्वरोज़गारस्य, व्यवसायसञ्चालनस्य विपणिना सह सम्बद्धतायाश्च अवसरः प्राप्स्यते। जिल्ले अस्य उपक्रमस्य विस्तारं कृत्वा अधिकाधिकाः जीविकादीदीनां स्थायीजीविकया उद्यमितया च सह संयोजनस्य प्रयासः करिष्यते।

---------------

Hindusthan Samachar / Dheeraj Maithani