Enter your Email Address to subscribe to our newsletters
बेङ्गलूरुः, २९ अगस्तमासः (हि.स.)। कर्नाटकस्य पूर्वमुख्यमन्त्री दिवङ्गतः रामकृष्णहेगडे महान् राजनेता, राष्ट्रवादी कुशलनेता च आसीत्। सः अनेकान् नेतॄन् निर्मातुं सह संस्थानां निर्माणेऽपि महत्त्वपूर्णं योगदानं दत्तवान्। तस्य नेतृत्वे कर्नाटकं सुशासनस्य एकम् आदर्शं जातम्। इति उपराष्ट्रपतिः सी. पी. राधाकृष्णन् उक्तवान्।
बेङ्गलूरुनगरस्य विधानसौधे आयोजिते रामकृष्णहेगडे-जन्मशताब्दीसमारोहे सम्मिलितः सः हेगडेमहोदयस्य राजनैतिकं सार्वजनिकं च जीवनं स्मृतवान्। सः अवदत् यत् रामकृष्णहेगडे केवलं राजनैतिकनेता नासीत्, अपि तु संस्थानां नूतनवंशस्य नेतॄणां च निर्माता आसीत्।
उपराष्ट्रपतिः अवदत्— “महान्तः नेतारः एकं क्षणं परिवर्तयितुं शक्नुवन्ति, किन्तु महतां संस्थानां निर्मातारः पीढीन् परिवर्तयन्ति।” हेगडेमहोदयस्य सार्वजनिकजीवनं तस्य योगदानं च एतादृशेनैव दृष्टिकोणेन द्रष्टव्यम्।
सः अवदत् यत् हेगडेमहोदयस्य सत्यता, साहसं जनसेवां प्रति प्रतिबद्धता च अद्यतनयुववंशाय प्रेरणादायिनी अस्ति। युवभिः तस्य आदर्शाः स्वजीवने आचरणीयाः तथा ‘राष्ट्रं प्रथमम्’ इत्यस्य भावनया अग्रे गन्तव्यम्। हेगडेमहोदयस्य मूल्यानाम् आदर्शानां च संवर्धनमेव तस्य विरासतायै सच्चा श्रद्धाञ्जलिः भविष्यति।
समारोहे कर्नाटकस्य मुख्यमन्त्री डी. के. शिवकुमारः, पूर्वोपष्ट्रपतिः एम्. वेङ्कय्या-नायडुः, केन्द्रीयमन्त्री प्रल्हादजोशी, पूर्वमुख्यमन्त्री सिद्धरामय्यः इत्यादयः रामकृष्णहेगडेमहोदयस्य परिवारस्य सदस्याः, मित्राणि तथा च बहवः गणमान्यजनाः उपस्थिताः आसन्।
Hindusthan Samachar / Divya Ranjan