Enter your Email Address to subscribe to our newsletters
बिरेतराविद्यालये संस्कृत सप्ताहस्य आयोजनम्
धमतरी, 29 अगस्तमासः (हि.स.)।
छत्तीसगढसंस्कृतविद्यामण्डलम्, रायपुरस्य निर्देशानुसारं प्रदेशस्य विद्यालयेषु २५ तः ३१ अगस्त् पर्यन्तं संस्कृतसप्ताहः आचर्यते। अस्यैव क्रमस्य अन्तर्गतं शासकीय-उच्चतर-माध्यमिक-विद्यालये बिरेतरायां प्राचार्यस्य गेवारामनेतामस्य मार्गदर्शने तथा संस्कृतविषयस्य व्याख्यात्र्याः डी.संगीतारावस्य संयोजने शनिवासरे संस्कृतसप्ताहस्य आयोजनं कृतम्।
कार्यक्रमस्य शुभारम्भः माता सरस्वत्याः पूजावन्दनया अभवत्। ततः दीक्षा तथा रुद्रप्रतापः सरस्वतीवन्दनां प्रस्तुतवन्तौ, यदा तु हीना तथा समूहः स्वागतगीतस्य प्रस्तुतीकरणम् अकरोत्। संस्कृतविषयस्य व्याख्यात्र्या डी.संगीतारावया संस्कृतसप्ताहस्य आयोजनस्य उद्देश्यम् तथा संस्कृतभाषायाः महत्त्वं च प्रकाशयितम्।
वरिष्ठव्याख्यातृभिः खिलेशकुमारसाहू, चोवारामचन्द्राकरः तथा रोहितकुमारसाहूभिः देवभाषायाः संस्कृतस्य ऐतिहासिकं, धार्मिकं तथा प्राचीनं महत्त्वं विषयी कृत्वा तस्य संरक्षणस्य संवर्धनस्य च आवश्यकता प्रतिपादिता। विद्यार्थिभिः अपि विविधप्रस्तुतीनां माध्यमेन संस्कृतभाषायाः संस्कृतसाहित्यस्य च समृद्धपरम्परायाः परिचयः प्रदत्तः।
मानसी, पुष्पा तथा निकिता महाकविकालिदासस्य जीवनस्य कृतित्वस्य च विषये जानकारीं दत्तवत्यः। डाली तथा विधिः संस्कृतभाषायां फलानां नामानि अपठताम्। चुनेश्वरी, रेणुका तथा निशा महर्षिवेदव्यासस्य विषये जानकारीं प्रस्तुतवत्यः। छात्रः आर्यनः संस्कृतसूक्तीनां वाचनम् अकरोत्। तन्मयः, मुनेशः तथा अनुरागः चित्रपत्रस्य माध्यमेन उपनिषदां विषये मनोहारिणीं प्रस्तुतीं कृतवन्तः।
प्रेमनारायणः संस्कृतसम्भाषणं प्रस्तुतवान्। अपरतः वन्दना, नन्दिनी तथा इशा महर्षिवाल्मीकेः, पाणिनेः तथा अन्येषां महानां कवीनां विदुषां च कृतिषु योगदानं च प्रकाशयितवत्यः।
कार्यक्रमस्य समये विद्यार्थिभिः संस्कृतसाहित्यस्य संस्कृतविषयस्य च सम्बद्धानां चित्राणां पोस्टराणां च प्रदर्शनी अपि आयोजिता। शिक्षक-शिक्षिकाभिः प्रदर्शिन्याः अवलोकनं कृत्वा विद्यार्थिनां सृजनात्मकतायाः प्रशंसा कृता।
गीतिका, गायत्री, वाणी, निकिता, चाँदनी, कुमकुम, वैष्णवी, गीताञ्जलिः, स्तुतिः, अर्चना, रागिनी, लक्ष्मी, अञ्जलिः, इन्दुः, समीरः, देवराजः इत्यादयः अन्ये च विद्यार्थिनः विभिन्नासु गतिविधिषु उत्साहपूर्वकं सहभागितां कृतवन्तः।
अस्मिन् अवसरे व्याख्याता खेदीसाहू, शाजियापरवीन, चेतनलालदेवाङ्गनः, चन्द्रशेखरयादवः, पीटीआई अश्विनीपाटकरः, विज्ञानसहायकः दुलेश्वरसाहू, शिक्षिका मालासाहू, नम्रतायादवः, मृत्युईडनसाहू इत्यादयः विद्यालयस्य कर्मचारीवर्गस्य सदस्याश्च उपस्थिताः आसन्।
कार्यक्रमस्य सञ्चालनं रुद्रप्रतापः, मेनका तथा प्रेमनारायणः अकुर्वन् तथा सुमनः आभारप्रदर्शनम् अकरोत्।
Hindusthan Samachar / Dheeraj Maithani