सारणम्, 29 अगस्तमासः (हि.स.)।

छपरा-नगरपालिकायाः पूर्वाध्यक्षस्य स्वर्गीय-ब्रजेन्द्रबहादुरस्य आवासे झूलनोत्सवस्य आयोजनं कृतम्। पूर्व-आईएएस-अधिकारी प्रवीरकृष्णस्य संयोजने आयोजितेऽस्मिन् कार्यक्रमे कला-सङ्गीतयोः पारम्परिक-संस्कृतेश्च मनोहरा प्रदर्शिनी दृष्टिगोचरीभूता।

कार्यक्रमस्य प्रारम्भः पारम्परिक-झूलनोत्सवस्य भावनानुरूपैः गीत-सङ्गीत-प्रस्तुतिभिः अभवत्। प्रसिद्धः शास्त्रीयगायकः पण्डितः रामप्रकाशमिश्रः स्वगीतानां प्रस्तुत्या उपस्थितान् जनान् मन्त्रमुग्धान् अकरोत्। तथैव वैभवदेवः, अनीशअनुः इत्यादयः अन्ये कलाकाराः अपि स्वप्रस्तुतिभिः समां बद्धवन्तः।

अस्मिन् अवसरे पूर्व-आईएएस-अधिकारी प्रवीरकृष्णः उक्तवान् यत् तस्य पितामहस्य द्वारा वर्षेभ्यः झूलनोत्सवस्य आयोजनं क्रियमाणम् आसीत्। तामेव परम्पराम् अग्रे वर्धयन् अयं कार्यक्रमः आयोज्यते। तेन उक्तं यत् एतादृशैः आयोजनैः अस्माकं सांस्कृतिक-परम्पराः जीवन्त्यः तिष्ठन्ति तथा च नूतनपीढ्यै स्वस्य समृद्धया संपदा सह सम्बद्धुम् अवसरः प्राप्यते।

झूलनोत्सवस्य समये गीत-सङ्गीतस्य पारम्परिक-वातावरणस्य च प्रभावेन उपस्थिताः जनाः भावविभोराः अभवन्। कार्यक्रमे नगरस्य कला-संस्कृतिक्षेत्रे सम्बद्धैः जनैः सह बहुसंख्याकाः गणमान्याः जनाः सङ्गीतप्रेमिणश्च उपस्थिताः आसन्। आयोजनेन छपरा-नगरस्य सांस्कृतिक-परम्परा पारिवारिक-संपद् च पुनरेकवारं सजीवंकृता।

---------------

Hindusthan Samachar / Dheeraj Maithani