सोनीपतम्, 29 अगस्तमासः (हि.स.)।

जनपदस्य सर्वेषु खण्डेषु स्थितेषु विद्यालयेषु शनिवासरे श्रमदानदिवसः स्वच्छताभियानं च उत्साहेन तथा जनसहभागितया सह आचरितम्। उपायुक्ताया नेहासिंह-महोदयायाः दिशानिर्देशने आयोजिते अभियाने विद्यालयपरिवारस्य सह ग्रामपञ्चायत्, विद्यालयप्रबन्धनसमितिः तथा स्थानीयजनाश्च उत्साहपूर्वकं भागं गृहीतवन्तः।

अभियानस्य समये विद्यालयपरिसरेषु, कक्षासु, बरामदेषु, क्रीडाङ्गणेषु, पेयजलस्थलेषु तथा समीपवर्तिषु क्षेत्रेषु स्वच्छताकार्यं कृतम्। विद्यालयपरिसरेभ्यः कूडा-कर्कटं तथा अनावश्यकसामग्री च निष्कासिता। विद्यालयपरिसरान् स्वच्छान्, सुन्दरान् व्यवस्थितांश्च कर्तुं आवश्यकानि कार्याण्यपि कृतानि। विद्यालयप्रमुखैः स्वयमेव श्रमदानं कृत्वा अभियानस्य प्रारम्भः कृतः। अध्यापकाः विद्यार्थिनश्च स्वच्छताकार्ये भागं गृहीतवन्तः। अनेकेषु विद्यालयेषु ग्रामपञ्चायत्प्रतिनिधिभिः तथा विद्यालयप्रबन्धनसमित्याः सदस्यैः स्वकीयैः साधनैः, यथा ट्रैक्टर्-यानैः तथा हस्तचालितरेहडिभिः, कूडा-कर्कटस्य निष्कासने सहयोगः कृतः।

उपायुक्ता नेहासिंहः अवदत् यत् स्वच्छता केवलम् अभियानपर्यन्तं सीमिता न भवेत्, अपितु दैनिकजीवने अपि तस्याः आचरणं करणीयम्। विद्यालयानि बालकेषु स्वच्छतायाः उत्तरदायित्वस्य च भावनां विकसितुं महत्त्वपूर्णानि केन्द्राणि सन्ति। सा अभियाने भागं गृहीतवद्भ्यः विद्यालयप्रमुखेभ्यः, अध्यापकेभ्यः, विद्यार्थिभ्यः, विद्यालयप्रबन्धनसमितेः सदस्येभ्यः, ग्रामपञ्चायत्प्रतिनिधिभ्यः तथा ग्रामीणजनभ्यश्च प्रशंसां प्रकटितवती।

जिलाशिक्षाधिकारी नवीनगुलियः अपि विद्यालयानां प्रयासानां प्रशंसाम् अकरोत्। सः अवदत् यत् विद्यार्थिनः स्वच्छतायाः प्रति जागरूकाः कर्तव्याः, तत्सह तां व्यवहारिकजीवने आचरितुं प्रेरिताः अपि कर्तव्याः। सः अवदत् यत् श्रमदानेन विद्यार्थिषु स्वच्छतायाः स्थायी-अभ्यासस्य विकासे सहायता भविष्यति। विद्यालयपरिवारः, विद्यालयप्रबन्धनसमितेः सदस्याः तथा ग्रामपञ्चायत्प्रतिनिधयः अभियानेन अनन्तरमपि विद्यालयपरिसरान् स्वच्छान् हरितपूर्णांश्च स्थापयितुं संकल्पं कृतवन्तः।

---------------

Hindusthan Samachar / Dheeraj Maithani