जौनपुरम्, २९ अगस्तमासः (हि.स.)। उत्तरप्रदेशस्य जौनपुरजनपदे स्थिते वीरबहादुरसिंहपूर्वाञ्चलविश्वविद्यालयस्य परिसरे वर्धमानां छात्रसंख्यां दृष्ट्वा नूतनस्य संकायभवनस्य निर्माणकार्यं प्रारब्धम् अस्ति। प्रायः ९.९० कोटिरूप्यकाणां व्ययेन निर्मीयमाणस्य अस्य भवनस्य उद्देश्यम् विद्यार्थिभ्यः उत्तमं शैक्षणिकवातावरणं प्रदातुं कक्षासु पर्याप्तं स्थानं च उपलब्धं कारयितुम् अस्ति।

नूतनं संकायभवनं विज्ञानसंकायस्य विश्वविद्यालयस्य पुस्तकालयस्य च मध्ये स्थितस्य मियावाकीवनस्य समीपे निर्मीयते। विश्वविद्यालये विभिन्नेषु पाठ्यक्रमेषु विद्यार्थिनां संख्या निरन्तरं वर्धते। अतः कदाचित् कक्षासञ्चालनाय उपलब्धं स्थानं न्यूनं भवति। नूतनभवनस्य निर्माणेन एषा समस्या समाधास्यते इति अपेक्षा अस्ति। विश्वविद्यालयस्य कुलसचिवः डॉ. विनोदकुमारसिंहः शनिवासरे अवदत् यत् भवनस्य निर्माणं पूर्णे सति कक्षासञ्चालने पर्याप्ता सुविधा भविष्यति। विद्यार्थिभ्यः व्यवस्थितरूपेण अध्ययनाय पर्याप्तं स्थानं प्राप्स्यते। शिक्षकानामपि पठनपाठनाय उत्तमं शैक्षणिकवातावरणं उपलब्धं भविष्यति।

सः अवदत् यत् भविष्ये वर्धमानां छात्रसंख्यां दृष्ट्वा विश्वविद्यालयस्य शैक्षणिकमूलभूतसंरचनां सुदृढं करणमपि भवननिर्माणस्य उद्देश्यम् अस्ति। भवने कक्षाभिः सह विद्यार्थिनाम् अकादमिक-गतिविधिभ्यः आवश्यकाः सुविधाः विकसिताः करिष्यन्ते। नूतनस्य संकायभवनस्य निर्माणेन विद्यमानभवनेषु विद्यार्थिनां वर्धमानं दबावं न्यूनीकर्तुं साहाय्यं भविष्यति। विश्वविद्यालय-प्रशासनस्य अपेक्षा अस्ति यत् अनेन शैक्षणिकसंसाधनानां समुचितः उपयोगः भविष्यति तथा विद्यार्थिभ्यः विश्वविद्यालय-परिसरे एव अधिकं सुविधाजनकं प्रभावी च पठनपाठनवातावरणं प्राप्तुं शक्यते।

Hindusthan Samachar / Divya Ranjan