Enter your Email Address to subscribe to our newsletters
नालंदा, बिहारशरीफभम् 29 अगस्तमासः (हि.स.)।
कॉफेड्-संस्थायाः जीविकायाश्च संयुक्ततत्त्वावधानेन ग्रामीणमहिलानां स्व-रोजगारेण सह संयोज्य तासाम् आर्थिकसशक्तीकरणस्य दिशि महत्त्वपूर्णः उपक्रमः कृतः अस्ति।
अस्यैव क्रमानुसारम् अस्थावां प्रखण्डस्य सारे पञ्चायते जीविकायाः दीदी वन्दनादेव्यै आवंटितस्य सुधाविक्रयकेन्द्रस्य उद्घाटनं शनिवासरे जनपदस्य उपविकासायुक्तया साराअशरफ्-महोदयया कृतम्। एतत् नालन्दाजनपदस्य द्वितीयं सुधाविक्रयकेन्द्रम् अस्ति। जनपदे ग्रामीणमहिलानां स्व-रोजगारेण सह संयोजनस्य तथा आर्थिकरूपेण आत्मनिर्भरं कर्तुं उद्देश्यम् अनुसृत्य एतादृशानि २२५ सुधाविक्रयकेन्द्राणि अन्यानि अपि उद्घाटनीयानि सन्ति।
एतेषां केन्द्राणां माध्यमेन जीविकायाः सह सम्बद्धाभ्यः महिलाभ्यः स्थानीयस्तरे रोजगारस्य अवसरः प्राप्स्यते तथा तासाम् आयस्रोतः सुदृढं कर्तुं साहाय्यं भविष्यति।
उद्घाटनस्य अवसरे उपविकासायुक्ता जीविकादीदी वन्दनादेवीं शुभकामनाः प्रदाय अवदत् यत् महिलानां स्व-रोजगारेण सह संयोजनं तासाम् आर्थिकसशक्तीकरणस्य दिशि प्रभावी पदक्षेपः अस्ति। सा आशां प्रकटितवती यत् सुधाविक्रयकेन्द्रस्य माध्यमेन वन्दनादेवी स्वव्यवसायं अग्रे वर्धयित्वा आत्मनिर्भरतायाः आदर्शं स्थापयिष्यति।
अस्मिन् अवसरे कॉफेड्-संस्थायाः मुख्यकार्यपालकः अरविन्दकुमारसिंहः, जीविकायाः जिलापरियोजनाप्रबन्धकः सञ्जयप्रसादपासवानः, पशुधनप्रबन्धकः राजीवकुमारः, सञ्चारप्रबन्धकः सन्तोषकुमारः, प्रखण्डपरियोजनाप्रबन्धकः कुमारगौरवः तथा क्षेत्रीयसमन्वयकः ओमप्रतापसिंहः इत्यादयः जीविकायाः अन्ये कर्मचारिणश्च उपस्थिताः आसन्।
अधिकारिभिः तथा जीविकाकर्मचारिभिः सुधाविक्रयकेन्द्रस्य सञ्चालिकायै जीविकादीदी वन्दनादेव्यै व्यवसायस्य सफलसञ्चालनाय तथा निरन्तरप्रगत्यै शुभकामनाः प्रदत्ताः।
ग्रामीणमहिलानां रोजगारस्य सह संयोजनस्य अनेन उपक्रमेण जनपदे महिलाउद्यमितायाः प्रोत्साहनं भविष्यति, आर्थिकात्मनिर्भरता वर्धिष्यते तथा ग्रामीणार्थव्यवस्थायाः सुदृढीकरणे अपि महत्त्वपूर्णं योगदानं भविष्यतीति आशा अस्ति।
---------------
Hindusthan Samachar / Dheeraj Maithani