लखनऊ, 30 अगस्तमासस्य (हि.स.)। भारतीयजनतादलस्य नवनियुक्तः राष्ट्रियमहामन्त्री हरीशद्विवेदिमहोदयः रविवासरे लखनऊनगरं प्राप्तवान्। चौधरीचरणसिंह-अन्ताराष्ट्रिय-विमानपत्तने अवतरणसमये भाजपानेतारः तस्य स्वागतम् अकुर्वन्। ततः पक्षनेतृभिः सह हरीशद्विवेदिमहोदयेन प्रधानमन्त्रिणः नरेन्द्रमोदिमहोदयस्य 'मन की बात' (मनसः वार्ता) कार्यक्रमः श्रुतः। विमानपत्तने तेन सह राज्यमन्त्री (स्वतन्त्रप्रभारः) सोमेन्द्रतोमरः, भाजपादलस्य प्रदेशोपाध्यक्षः राजेशयादवः, प्रदेशोपाध्यक्षः नीरजसिंहः, विवेकमौर्यः च इत्यादयः बहवः नेतारः मनःकथां श्रुतवन्तः। तथैव भाजपायाः प्रदेशाध्यक्षः पङ्कजचौधरीमहोदयः भाजपायाः प्रदेशमुख्यालये पक्षकार्यकर्तृभिः नेतृभिश्च सह प्रधानमन्त्रिणः मनःकथाकार्यक्रमं श्रुतवान्।

विमानपत्तनतः भाजपाकार्यालयपर्यन्तं स्थाने स्थाने भव्यं स्वागतम्

भाजपादलस्य राष्ट्रियमहामन्त्रिपदस्य दायित्वग्रहणानन्तरं तस्य प्रथमे लखनऊ-आगमने पक्षपदाधिकारिषु कार्यकर्तृषु च उत्साहः विद्यते। विमानपत्तनतः भाजपाप्रदेशमुख्यालयपर्यन्तं स्थाने स्थाने तस्य भव्यस्वागतस्य व्यवस्था भाजपाकार्यकर्तृभिः कृता। पक्षस्य पदाधिकारिभिः, जनप्रतिनिधिभिः, बहुसंख्यकैः उपस्थितैः कार्यकर्तृभिश्च विमानपत्तनात् बहिः निर्गमनसमये हरीशद्विवेदिमहोदयस्य भव्यं स्वागतम् अभिनन्दनं च कृतम्। तदनन्तरं द्विवेदिमहोदयः विमानपत्तनात् भारतीयजनतादलस्य प्रदेशमुख्यालयाय प्रस्थितवान्। अस्मिन् काले मार्गे विभिन्नस्थानेषु पक्षकार्यकर्तृभिः तस्य स्वागतं करिष्यते।

---------------

Hindusthan Samachar / Dheeraj Maithani