लखनऊम्, ३० अगस्तमासः (हि.स.)। उत्तरप्रदेशस्य एमबीबीएस् तथा बीडीएस् इंटर्न-चिकित्सकानां इंटर्नशिप-मानधनं १२,००० रूप्यकेभ्यः वर्धयित्वा प्रतिमासं २५,००० रूप्यकाणि कृतानि इति निर्णयस्य कृते इंटर्न-चिकित्सकैः मुख्यमन्त्रिणः योगी आदित्यनाथस्य हृदयपूर्वकं कृतज्ञता प्रकटिता।

इंटर्न-चिकित्सकानां प्रतिनिधिमण्डलेन रविवासरे गोरखपुरे मुख्यमन्त्रिणा सह मिलित्वा मानधनवृद्धेः कृते कृतज्ञता प्रकटिता। प्रतिनिधिमण्डलेन उक्तं यत् मुख्यमन्त्रिणा इंटर्न-चिकित्सकानां याचनाः श्रुत्वा गृहीतः अयं निर्णयः सम्पूर्णप्रदेशस्य सहस्राधिकानां एमबीबी-एस् तथा बीडीएस् इंटर्न-चिकित्सकानां कृते महती राहतिः अस्ति। अयं निर्णयः तेषां परिश्रमस्य उत्तरदायित्वानां च महत्त्वपूर्णां मान्यतामपि प्रददाति। इंटर्न-चिकित्सकैः उक्तं यत् एषा उपलब्धिः सम्पूर्णस्य उत्तरप्रदेशस्य एमबीबीएस् तथा बीडीएस् इंटर्न-चिकित्सकानां छात्राणां च एकीकृतस्वरस्य निरन्तरप्रयासानां च परिणामः अस्ति।

प्रतिनिधिमण्डले केजीएमयूतः डॉ. ओमसिंहः रिसितसिंहश्च तथा जौनपुर-एम्स्-तः डॉ. शुभमसिंहः डॉ. कुँवर-नीलेन्द्रशर्मा च सम्मिलिताः आसन्।

उल्लेखनीयं यत् मानधनवृद्धेः याचनां कृत्वा केजीएमयू-मध्ये इंटर्न-चिकित्सकैः विरोधप्रदर्शनं कृतम् आसीत्। ततः कतिपये इंटर्न-चिकित्सकाः अनशनमपि आचरित-वन्तः। सर्वकारस्य आश्वासना-नन्तरं विरोधप्रदर्शनं समाप्तम् अभवत्। ततः प्रदेशसर्वकारेण मन्त्रिमण्डलस्य अनुमोद-नानन्तरं मानधनवृद्धेः घोषणा कृता।

Hindusthan Samachar / Divya Ranjan