जयपुरम्, 30 अगस्तमासः (हि.स.)।

राजस्थानस्य आनबानशानस्य, समृद्धसंस्कृतेः सनातनपरम्पराणां च आधुनिकमाध्यमैः देशविदेशेषु प्रसारस्य उद्देश्येन रविवासरे केसरियाप्रोडक्शनस्य शुभारम्भः अभवत्। प्रोडक्शनहाउसस्य माध्यमेन राजस्थानस्य लोकसंस्कृतेः, कलायाः, सङ्गीतस्य, परम्पराणां राजस्थानीपरिवेशस्य च वैश्विकपरिचयं वर्धयितुं तथा नवप्रतिभाभ्यः मञ्चं प्रदातुं पहलः कृता अस्ति।

कार्यक्रमस्य मुख्यातिथिः भाजपायाः किसानमोर्चायाः राजस्थानप्रदेशसंयोजकः ईशभारद्वाजः अवदत् यत् भारतीयसिनेम्ना देशभक्त्या संस्कृत्या च सम्बद्धानां विषयाणां वैश्विकस्तरे प्रसारणे महत्त्वपूर्णं योगदानं कृतम् अस्ति। केसरियाप्रोडक्शन राजस्थानस्य संस्कृतेः सनातनविरासतायाश्च वैश्विकस्तरे प्रसारणे प्रभावी भूमिकां निर्वोढुं शक्नोति।

सः अवदत् यत् मध्यमवर्गीयपरिवाराणां युवकेषु प्रतिभायाः किमपि न्यूनता नास्ति, तेभ्यः अवसरः मञ्चश्च उपलब्धौ कर्तव्यौ।

प्रोडक्शनहाउसस्य प्रवर्तकः हर्षभारद्वाजः अवदत् यत् राजस्थानस्य केसरियवर्णः केवलं वर्णः न, अपितु वीरतायाः, गौरवस्य, त्यागस्य, परम्परायाः संस्कृतेश्च प्रतीकम् अस्ति। एतमेव भावं वैश्विकस्तरे परिचितं कर्तुं प्रोडक्शनहाउसस्य शुभारम्भः कृतः अस्ति।

राजस्थानीपरिवेशं संस्कृतिं च आधुनिकप्रौद्योगिक्या चिन्तनशैल्या च सह प्रस्तुत्य तादृशं सामग्रीरूपं निर्मीयते, या देशविदेशयोः दर्शकान् राजस्थानस्य मृत्तिकया सह सम्बद्धं कर्तुं शक्नुयात्।

अस्मिन् कार्यक्रमे पूनमाचार्या, किशोरटाङ्कः, पञ्जाबीगायकः कुशालजाटः, मीनाआसोपा, नीरजचतुर्वेदी, एम्. इकबालबबलू, पुष्पलताआत्रेया, कुलदीपसिंहराणा, गिरीशमाथुरः, विनोदबराडिया, पीयूषगोयलः, सुरेशमीणा, मञ्जूजोशी, देवेन्द्रराठौरः तथा विजयमलकानी इत्यादयः अनेकाः गणमान्यजनाः उपस्थिताः आसन्।

वक्तारः अवदन् यत् राजस्थानस्य लोकगीतानि, लोकनृत्यानि, पारम्परिकवेषभूषा, खानपानम्, कला, स्थापत्यकला, वीरगाथाः तथा सनातनजीवनमूल्यानि अस्य विशिष्टां परिचितिं निर्मान्ति। आधुनिकसिनेम्ना डिजिटलमाध्यमैश्च एताः विरासताः नूतनपीढ्यै वैश्विकदर्शकेभ्यश्च प्रापयितुं शक्यन्ते।

आयोजकैः उक्तं यत् परम्पराभिः सह सम्बद्धाः सन्तः आधुनिकतया सह अग्रे गमनमेव प्रोडक्शनहाउसस्य लक्ष्यं वर्तते।

---------------

Hindusthan Samachar / Dheeraj Maithani