पर्यटन-संस्कृतिमन्त्री राजेश अग्रवालः शासकीयावासे ‘मन की बात’ इत्यस्य १३७तमं संस्करणं सामूहिकरूपेण अशृणोत्

रायपुरम्, ३० अगस्तमासः (हि.स.)। पर्यटन-संस्कृतिमन्त्री राजेश अग्रवालः अद्य रविवासरे रायपुरनगरे स्थिते स्वकीय-शासकीयावासे प्रधानमन्त्रिणः नरेन्द्र-मोदिनः आकाशवाणी-कार्यक्रमस्य ‘मन की बात’ इत्यस्य १३७तमं संस्करणं सामूहिकरूपेण अशृणोत्। अस्मिन् अवसरे अम्बिकापुरस्य महापौरः मञ्जूषा भगतः सहितं विभिन्नक्षेत्रैः सम्बद्धाः नागरिकाः उपस्थिताः आसन्।

प्रधानमन्त्री नरेन्द्रमोदी स्वसम्बोधने देशस्य विविधासु उपलब्धिषु, सामाजिक-सरोकारेषु, सांस्कृतिकविरासतस्य संरक्षणे तथा जनभागीदारीसम्बद्धेषु महत्त्वपूर्णेषु विषयेषु देशवासिभिः सह संवादं कृतवान्। कार्यक्रमे इतिहासस्य डिजिटलमाध्यमैः संरक्षणस्य अभिनवप्रयासात् आरभ्य यूनां व्यसनात् दूरीकरणं, स्वच्छता, स्थानीयोद्यमिता, कृषौ वैज्ञानिकनवाचारः तथा स्वदेशीय-उत्पादानां प्रोत्साहनम् इत्यादयः विषयाः प्रमुखतया समागताः।

‘मन की बात’ कार्यक्रमे प्रधानमन्त्री इतिहासं देशस्य समृद्धां विरासतं च आधुनिकैः डिजिटलमाध्यमैः सुरक्षितरूपेण संरक्षितुं आवश्यकतायाः विषये प्रकाशं क्षिप्तवान्। सः एतादृशान् प्रयासान् भाविवंशानां स्वस्य अतीतेन, गौरवेण सांस्कृतिकमूल्यैश्च सह संयोजयितुं महत्त्वपूर्णं माध्यमम् उक्तवान्।

पर्यटन-संस्कृतिमन्त्री राजेश अग्रवालः अवदत् यत् भारतस्य सांस्कृतिकविरासत् अस्माकं परिचयः अस्माकं च महत्तमासु शक्तिषु एका अस्ति। इतिहासं, लोक-परम्पराः, कलां सांस्कृतिकधरोहराश्च आधुनिकप्रौद्योगिक्याः माध्यमेन संरक्षितुं समयस्य आवश्यकता अस्ति। अनेन अस्माकं परम्परा भाविवंशानां समीपं अधिकप्रभावीरूपेण प्रापयितुं शक्यते।

प्रधानमन्त्री ‘नशामुक्तयुवा, विकसित-भारत’ इत्यस्य अभियानस्य अन्तर्गतं मादकद्रव्यविहीनभारतस्य सङ्कल्पं दृढं कर्तुम् आह्वानं कृतवान्। यून: व्यसनात् दूरं स्थापयित्वा तेषाम् ऊर्जां सृजनात्मक-कार्येषु राष्ट्रहितसम्बद्धेषु कार्येषु च नियोजयितुं विशेषबलं दत्तम्।

मन्त्री श्री अग्रवालः अवदत् यत् युवाशक्तिः भारतस्य भविष्यस्य आधारशिला अस्ति। स्वस्थाः जागरूकाः नशामुक्ताश्च युवानः एव विकसितभारतस्य निर्माणे स्वस्य पूर्णक्षमतया योगदानं दातुं शक्नुवन्ति। समाजस्य प्रत्येकवर्गेण मिलित्वा युवभ्यः सकारात्मकं प्रेरणादायकं च वातावरणं निर्मातव्यम्।

प्रधानमन्त्री अगस्तमासे देशस्य सर्वत्र आयोजितानां भव्यत्रिरङ्गयात्राणाम् उल्लेखं कुर्वन् तासु जनानां उत्साहपूर्णां सहभागितां राष्ट्रभावनायाः अभिव्यक्ति-रूपेण वर्णितवान्। सः अवदत् यत् त्रिरङ्गः केवलं ध्वजः न, अपि तु देशस्य एकतायाः, अखण्डतायाः गौरवस्य च प्रतीकम् अस्ति।

पर्यटन-संस्कृतिमन्त्री अवदत् यत् स्वच्छता पर्यटनं च परस्परं गभीररूपेण सम्बद्धे स्तः। स्वच्छानि पर्यटनस्थलानि न केवलं पर्यटकान् आकर्षयन्ति, अपि तु स्थानीयजनानां कृते रोजगारस्य आर्थिक-क्रियाकलापानां च नूतनान् अवसरान् अपि सृजन्ति। छत्तीसगढस्य प्राकृतिकानां सांस्कृतिकानां च धरोहराणां संरक्षणे स्वच्छतायाः महत्त्वपूर्णा भूमिका अस्ति।

Hindusthan Samachar / Divya Ranjan