नवदिल्ली, 30 अगस्तमासः (हि.स.)।

प्रधानमन्त्री नरेन्द्रमोदी ‘मन की बात’ कार्यक्रमे भारतीयेतिहासस्य नशामुक्तेः स्वच्छतायाः च विषये अवदत्।प्रधानमन्त्री नरेन्द्रमोदी रविवासरे स्वस्य मासिके आकाशवाणी-कार्यक्रमे ‘मन की बात’ इत्यस्मिन् भारतीयेतिहासस्य विभिन्नेषु कालखण्डेषु केषां शासकानां शासनम् आसीत् इति ज्ञातुं शक्नुवतीं जालस्थलस्य सूचनां दत्तवान्।

‘मन की बात’ इत्यस्य १३७ तमे भागे प्रधानमन्त्री उक्तवान् यत् ‘भारत राज्य’ इति जालस्थले वर्षस्य चयनं कृत्वा सरलतया ज्ञातुं शक्यते यत् कस्मिन् समये भारतस्य कस्मिन् भागे कस्य शासनम् आसीत्। तेन उक्तं यत् इदं जालस्थलं अत्यन्तं सरलं कृतम् अस्ति।

कार्यक्रमस्य प्रसङ्गे प्रधानमन्त्री जालस्थलस्य निर्मात्रा कृष्णशेषाद्रिणा दूरभाषमाध्यमेन वार्तामपि कृतवान्। शेषाद्रिः अवदत् यत् भारतीयेतिहासे कतिपयेषु एव शासकेषु विषये शिक्षणं भवति, किन्तु अस्माकं इतिहासः अनेकेभ्यः नायकेभ्यः परिपूर्णः अस्ति।

प्रधानमन्त्री कार्यक्रमे सामूहिकरूपेण देशं नशामुक्तं कर्तुं आह्वानं कृत्वा सर्वकारेण सञ्चालितस्य अभियानस्य विषये अपि सूचनां दत्तवान्। तेन उक्तं यत् इदं अभियानं सम्पूर्णे देशे तीव्रगत्या अग्रे वर्धते। अस्य लक्ष्यं स्पष्टम् अस्ति—‘नशामुक्ताः युवानः, मादकद्रव्यविहीनं भारतम्’।

प्रधानमन्त्री अस्मिन् वर्षे स्वतन्त्रतादिवसे ‘सूर्यपथ तिरंगा’ इति कार्यक्रमस्य माध्यमेन सूर्यस्य पथमनुसृत्य तिरङ्गध्वजस्य आरोहणस्य उल्लेखं कृतवान्। तेन उक्तं यत् विश्वस्य विभिन्नेषु भागेषु एकः अद्वितीयः यात्राक्रमः आयोजितः। फिजीनगरे प्रातः सूर्यस्य प्रथमकिरणेन सह तिरङ्गध्वजः आरोहितः। ततः अनन्तरम् एशिया, अफ्रीका, यूरोप तथा अमेरिकादेशस्य सैनफ्रान्सिस्कोनगरपर्यन्तं भारतीयमिशनेषु पोस्ट्-स्थानेषु च तिरङ्गध्वजः लहरितवान्।

प्रधानमन्त्री नरेन्द्रमोदी कार्यक्रमे प्रधानमन्त्री-स्वनिधिनिधियोजनायाः उल्लेखमपि कृतवान्। तेन उक्तं यत् एषा योजना लक्षाधिकानां महिला-पथविक्रेतॄणां स्वव्यवसायस्य विस्तारं वर्धनं च कर्तुं तथा स्वपरिवाराय उत्तमं भविष्यं प्रदातुं सहाय्यं करोति।

प्रधानमन्त्री उक्तवान् यत् अद्य स्वच्छता जनानां सङ्कल्पः भवति। तेन उत्तरप्रदेशस्य रामपुरनगरे स्वक्षेत्राणां स्वच्छतायाः आरभ्य अमरनाथयात्रायाः समये आयोजितस्य स्वच्छताअभियानस्य पर्यन्तं जनसहभागितया जनाः कथं स्वपरितः वातावरणं स्वच्छं कुर्वन्ति इति उदाहरणैः स्पष्टितम्।

सफलतायाः कथाः कथयन् प्रधानमन्त्री अवदत् यत् नागालैण्डस्य फेखजनपदस्य निवासिनी वेसालुपुरो पुष्पेषु स्वस्य अनुरागं सफलव्यवसाये परिवर्तितवती। अपरत्र ओडिशाराज्यस्य देब्रिगढक्षेत्रे मैथिलीभुए इत्यस्याः वन्योपजेषु निर्भरजीवनात् पर्यावरणपर्यटनस्य भागीदारत्वपर्यन्तं यात्रा अनेकेषां महिलानां वनसंरक्षणे योगदानाय प्रेरणां दत्तवती।

प्रधानमन्त्री इदमपि अवदत् यत् भारतस्य क्षेत्रेषु विपणीषु च ‘एवोकाडो’ इति फलस्य नूतनं स्थानं निर्मीयते। तेन आन्ध्रप्रदेशस्य कडपाजनपदस्य वरदराजस्य तथा तमिलनाडुराज्यस्य कोडैकनालस्य चन्द्रशेखरस्य च उदाहरणं दत्तम्, याभ्यां फलस्य कृषेः माध्यमेन आयः प्राप्तः।

प्रधानमन्त्री ‘मिशन शक्तिसैट्’ इत्यस्य विषये अपि सूचनां दत्तवान्। तेन उक्तं यत् एतत् मिशनं १०८ देशेभ्यः छात्राः एकत्र आनयति तथा ताभ्यः उपग्रहप्रौद्योगिक्याः विषये ज्ञातुं विज्ञानस्य, प्रौद्योगिक्याः नवाचारस्य च नूतनक्षेत्राणां अन्वेषणाय अवसरं प्रददाति।

तेन उक्तं यत् हाल एव गौतमबुद्धविश्वविद्यालये मिशनस्य द्वितीयचरणस्य आरम्भः अभवत्। अस्मिन् अवसरे विश्वस्य विभिन्नेभ्यः देशेभ्यः भारतम् आगताः प्रायः १०० छात्राः एकत्रिताः आसन्। भारतस्य दूरस्थेभ्यः क्षेत्रेभ्यः आगताः चयनिताः छात्राः अपि अस्मिन् कार्यक्रमे भागं गृहीतवत्यः। अस्य मिशनस्य लक्ष्यं विशिष्टम् अस्ति। पूर्णतया छात्राणां सहभागितया निर्मितं उपग्रहं चन्द्रमसः कक्षायां प्रेषयितुं सज्जता क्रियते।

कार्यक्रमस्य अन्ते प्रधानमन्त्री महानायकम् उत्तमकुमारम् स्मृत्वा अवदत् यत् सः पीढीः प्रेरयन् आगतवान्। तस्य उत्कृष्टाभिनयेन, समर्पणेन तथा प्रत्येकं पात्रं जीवन्तं कर्तुं क्षमतया सः भारतीयचलच्चित्रस्य अविस्मरणीयः प्रतीकः अभवत्। प्रधानमन्त्री उक्तवान् यत् तस्य जन्मशताब्दी ३ सितम्बर्-दिने आयोज्यते।

---------------

Hindusthan Samachar / Dheeraj Maithani