नई दिल्ली, 30 अगस्तमासः (हि.स.)। उज्बेकिस्तानस्य राष्ट्रपतिः शावकत् मिर्जियोयेवः रविवासरे प्रधानमन्त्री नरेन्द्रमोदीं देशस्य सर्वोच्चेन राजकीयसम्मानेन ‘ओलिय दराजाली दोस्तलिक’ इति सर्वोच्चमैत्रीपुरस्कारेण सम्मानितवान्।

अस्मिन् अवसरे प्रधानमन्त्री अवदत् यत् उज्बेकिस्तानस्य सर्वोच्चसम्मानं प्राप्तुं तस्य कृते अतीव गौरवस्य क्षणः अस्ति। सः अवदत्, “अयं सम्मानः 140 कोटि भारतीयानां सम्मानः अस्ति। अहं सर्वेषां भारतवासिनां पक्षतः उज्बेकिस्तानस्य जनानां, अत्रत्यायाः सर्वकारस्य, मम मित्रस्य आदरणीयस्य राष्ट्रपतेः च हृदयतः आभारं व्यक्तीकरोमि।”

प्रधानमन्त्रिणा सम्मानं महतीं दायित्वम् इति वर्णयता उक्तं यत् भारतं स्वकीयदायित्वेभ्यः कदापि पृष्ठतः न गमिष्यति तथा च एतां मैत्रीं पूर्णतया निर्वक्ष्यति। सः अवदत् यत् उभे देशौ संयुक्तरूपेण वैश्विकदक्षिणस्य संयुक्तस्वरं भविष्यतः तथा तस्य कल्याणाय सम्पूर्णमानवजातेश्च हिताय समर्पणभावेन कार्यं करिष्यतः।

प्रधानमन्त्रिणा उक्तं यत् सः एतं सम्मानं उभयोः देशयोः शताब्दीनां प्राचीनायै मैत्र्यै साझाविरासतायै च समर्पयति। उज्बेकिस्तानस्य राष्ट्रपतेः दूरदर्शिनः नेतृत्वेन भारतं प्रति तस्य मैत्रीभावेन च द्विपक्षीयसम्बन्धाः निरन्तरं सुदृढाः अभवन्। सः अवदत् यत् अस्यैव परिणामरूपेण अद्य उभयोः देशयोः सम्बन्धानां व्यापक-रणनीतिक-साझेदारी इति नूतनं स्तरं प्राप्तम्।

ततः पूर्वं उज्बेकिस्तानस्य राष्ट्रपतिना प्रधानमन्त्री नरेन्द्रमोदिनः खुलेन भावेन भ्रातृत्वभावेन च कृतानां सार्थकचर्चानां कृते धन्यवादः प्रदत्तः। तेन भारतस्य तीव्रप्रगतेः वैश्विकमञ्चे वर्धमानस्य प्रभावस्य च प्रशंसा कृता तथा तत् प्रधानमन्त्री नरेन्द्रमोदिनः नेतृत्वेन सह सम्बद्धम् इति कथितम्।

राष्ट्रपतिः अवदत् यत् उभयोः देशयोः सम्बन्धाः ऐतिहासिकरूपेण नूतनं स्तरं प्राप्तवन्तः। व्यापारः, निवेशः, परिवहनम्, पर्यटनम्, संस्कृतिः, पर्यावरणम् इत्यादिषु विभिन्नेषु क्षेत्रेषु सहयोगः सुदृढः अभवत्।

राष्ट्रपतिना उक्तं यत् उभयोः देशयोः मध्ये अपाराः सम्भावनाः सन्ति तथा एकस्य अरब-अमेरिकी-डॉलरस्य वर्तमानव्यापारः लक्ष्यं न, अपितु केवलम् आरम्भः अस्ति। सः भविष्ये द्विपक्षीयव्यापारं पञ्च अरब-अमेरिकी-डॉलरपर्यन्तं ततः दश अरब-अमेरिकी-डॉलरपर्यन्तं नेतुम् आकांक्षां प्रकटितवान्।

---------------

Hindusthan Samachar / Dheeraj Maithani