मण्डी, ३० अगस्तमासः (हि.स.)। मण्ड्यां स्थिते आर्यसमाजमन्दिरे श्रावणीपर्वणः वेदसप्ताहस्य आयोजनं हर्षोल्लासेन कृतम्। अगस्तमासस्य २६ दिनाङ्कतः ३० दिनाङ्कपर्यन्तम् आयोजिते श्रावणीपर्वणः वेदसप्ताहे वेदज्ञानस्य पावनी गङ्गा प्रवाहितवती। आर्यसमाजमन्दिरस्य प्रधानः ई. कोहली तथा पण्डिताचार्यः वेदमित्रः अवदतां यत् पञ्चदिवसीयस्य अस्य श्रावणीपर्वणः वेदसप्ताहस्य अवधौ उत्तरप्रदेशस्य बागपतनगरात् आगतेन प्रख्यातेन विदुषा वैदिकप्रवक्त्रा आचार्येण डॉ. धीरजकुमारेण चतुर्वेदशतकम्, यज्ञः, भजनानि प्रवचनानि च इत्येतेषां माध्यमेन वेदज्ञानस्य पावनी सलिला प्रवाहितवती।

प्रातः सायं च सहारनपुरात् आगतेन भजनोपदेशकेन प्रतापसिंहेन आर्येण सुमधुरभजनैः वातावरणं भक्तिमयमभवत्। तदतिरिक्तं नववंशं व्यसनात् दूरं स्थापयितुम् उद्दिश्य व्यसननिवारणविषये नारालेखनप्रतियोगिता आयोजिता। अस्यां प्रतियोगितायां नगरस्य पाठशालानां प्राथमिक-माध्यमिक-उच्च-सार्धद्वादश-कक्षास्तरीयाः बालकाः पृथक्-पृथक् वर्गेषु सम्मिलिताः।

उच्चसार्धद्वादशकक्षास्तरीये वर्गे समृद्धिः चन्देलः प्रथमस्थानं, उमङ्गः ठाकुरः द्वितीयस्थानं तथा स्वामीविवेकानन्द-विद्यालयस्य रामनगरस्य छात्रा आराध्या तृतीयस्थानं प्राप्तवती। डीएवी सीपीएसस्य आराध्यायै विशेषपुरस्कारः अपि प्रदत्तः।

माध्यमिकवर्गे दयानन्दार्यविद्यालयस्य याशिमा प्रथमस्थानं, सरस्वती-विद्यामन्दिरस्य दयरा द्वितीयस्थानं तथा दयानन्दार्यविद्यालयस्य अवनी तृतीयस्थानं प्राप्तवत्यः। प्राथमिकवर्गे दयानन्दार्य-विद्यालयस्य दीक्षिता प्रथमस्थानं, डीएवी सीपीएस मण्डी इत्यस्याः अनन्या द्वितीयस्थानं तथा आराध्या तृतीयस्थानं प्राप्तवत्यः।

श्रावणीपर्वणः वेदसप्ताहस्य समापनं रविवासरे, अगस्तमासस्य ३० दिनाङ्के हवन-यज्ञ-सामूहिकपूर्णाहुति-आशीर्वाद-प्रसादवितरण-भजन-प्रवचनैः सह अभवत्। अस्मिन् अवसरे आचार्यः डॉ. धीरजकुमारः अवदत् यत् यज्ञस्य मानवजीवने महत्त्वपूर्णं स्थानम् अस्ति। यज्ञेन मानवीयजीवनस्य प्रकृतेश्च शुद्धीकरणं भवति। सः अवदत् यत् यज्ञः एका वैज्ञानिकप्रक्रिया अस्ति, या मेघानां पावनतां करोति, वायुम् शुद्धं करोति रोगाणां च नाशं करोति। यज्ञः परोपकारं शिक्षयति तथा परोपकारस्य भावनां वर्धयति। यज्ञः अस्मान् पशुत्वात् निष्कास्य मनुष्यत्वस्य दिशि अग्रे नयति।

आचार्यः डॉ. धीरजकुमारः अवदत् यत् व्या॒दमन्त्रैः श्लोकैश्च सह यज्ञे आहुतयः प्रदत्ताः। चतुर्णाम् अपि वेदानां सूत्रैः श्लोकैश्च सह विशेषाहुतयः प्रदत्ताः। तदतिरिक्तं भजनोपदेशकस्य प्रतापसिंहस्य आर्यस्य भजनैः अपि अस्मिन् अवसरे वातावरणं भक्तिमयं कृतम्।

श्रावणीपर्वणः वेदसप्ताहस्य समापनावसरे आर्यसमाजस्य यजमानाः विद्यालयस्तरीयाः बालकाश्च बहुसङ्ख्यया उपस्थिताः आसन्। ये बालकाः व्यसननिवारणश्लोगन-लेखनप्रतियोगितायां भागं गृहीतवन्तः, तेभ्यः प्रोत्साहनराशिः प्रदत्ता तथा पुरस्कारैः सम्मानिताः।

Hindusthan Samachar / Divya Ranjan