Enter your Email Address to subscribe to our newsletters
औरैया, 30 अगस्तमासः (हि. स.)।उत्तरप्रदेशस्य औरैयाजनपदे पर्यावरणसंरक्षणस्य उद्देश्येन समाजसेवीसङ्गठनस्य ‘एक विचित्र पहल सेवा समिति’ इत्यस्य तर्फतः रविवासरे तिलकनगरमोहल्ले स्थिते नुमाइशमैदाने ‘जीवनधारा’ वृक्षारोपणाभियानं सञ्चालितम्। समित्याः अध्यक्षस्य राजीवपोरवालस्य नेतृत्वे शमी, हरसिङ्गार, बिल्वपत्र, चितवन, कदम्ब तथा अशोक इत्यादीनां विभिन्नप्रजातीनां पौधाः रोपिताः। जनानां रुच्यनुसारं पौधाः अपि निःशुल्कं वितरिताः। पौधानां पालनस्य सुरक्षायाश्च दायित्वं समीपस्थानां आपणिकानां समर्पितम्।
वृक्षारोपणस्य अनन्तरं पर्यावरणसंरक्षणविषये गोष्ठी आयोजिताऽभवत्। समित्याः संस्थापकः आनन्दनाथगुप्तः अधिवक्ता अवदत् यत् पर्यावरणसन्तुलनं स्थापयितुं वृक्षाणां पौधानां च महत्त्वपूर्णा भूमिका अस्ति। ते वायुम् शुद्धीकुर्वन्ति तथा कार्बनडाइऑक्साइड् इति वायुम् अवशोष्य तापमानस्य नियन्त्रणं कर्तुं सहाय्यं कुर्वन्ति।
तेन उक्तं यत् वनानां अन्धाधुन्धरूपेण कर्तनात् प्राकृतिकसम्पदां च दुरुपयोगात् पर्यावरणीयम् असन्तुलनं वर्धते। समितेः सदस्यैः जनानाम् अधिकाधिकपौधारोपणाय तेषां संरक्षणाय च आह्वानं कृतम्।
संस्थापकेन उक्तं यत् अभियानस्य अन्तर्गतं अद्यावधि ४४७० पौधानां पौधारोपणं वितरणं च कृतम् अस्ति। ५१०० पौधानां लक्ष्यप्राप्तिपर्यन्तम् अभियानं निरन्तरं प्रवर्तिष्यते।
अस्मिन् अवसरे तेजबहादुरवर्मा, डॉ. शिवकुमारसोनी, डॉ. उपेन्द्रनाथमिश्रः, देवमुनिपोरवालः, मनीषपुरवारः, रामआसरेगुप्तः, सन्तोषकुशवाहः, कुलदीपबाजपेयी, रमेशचन्द्रशर्मा, सतीशकुमारः इत्यादयः पर्यावरणप्रेमिणः उपस्थिताः आसन्।
---------------
Hindusthan Samachar / Dheeraj Maithani