लखनऊ, 30 अगस्तमासः (हि. स.)।

उत्तरप्रदेशस्य मीरजापुरजनपदस्य जिलाधिकारीपदं निर्वहन्ती स्वकार्यैः जनसामान्येषु विशिष्टां पहचानं निर्मितवती आईएएस-अधिकारी दिव्या मित्तलेन त्यागपत्रं प्रदत्तम्। सा रविवासरे सामाजिकमाध्यमस्य ‘एक्स’ इत्यस्य माध्यमेन एतस्य सूचना सार्वजनिकं कृतवती।

स्वकीयायां पोस्टमध्ये सा लिखितवती यत् साधारणपरिवेशे वर्धमाना सा उत्तमस्य सफलजीवनस्य स्वप्नं पश्यति स्म। अहोरात्रं परिश्रमं कृत्वा सा आईआईटी-दिल्ली तथा आईआईएम-बैंगलोर इत्येतयोः अध्ययनं कृतवती। ततः लण्डने तस्याः नियुक्तिः अभवत्। परन्तु ‘सर्वं’ प्राप्तवत्याः अपि तस्याः अन्तर्मने किञ्चित् अपूर्णं स्थितम्। स्वदेशे न वर्तमाना इति तस्याः मनसि पीडां जनयति स्म। तस्याः शिक्षा, आत्मविश्वासः तथा विश्वस्य कुत्रापि निर्भयतया मस्तकं उत्थाप्य गन्तुं सामर्थ्यं च अस्याः भूमेः ऋणम् आसीत्। तत् ऋणं परिशोधयितुम् सा इच्छति स्म। यस्य भारतस्य सा स्वप्नं दृष्टवती, तस्य निर्माणे प्रयुज्यमानेषु प्रत्येकासु शिलासु स्वहस्तचिह्नानि अपि भवन्तु इति तस्याः अभिलाषः आसीत्। अतः सा भारतं प्रत्यागत्य आईएएस-अधिकारी भवितुं सौभाग्यं प्राप्तवती।

सा लिखितवती यत् सेवाकाले बहु कर्तुं अवसरः प्राप्तः तथा च बहु शिक्षितवती। देवरियाजनपदेन तस्यै शिक्षितं यत् सत्यस्य पक्षे स्थातुं विकल्पः न, अपितु कर्तव्यमेव अस्ति। मीरजापुरेण तस्यै शिक्षितं यत् ‘असम्भवम्’ इति कश्चित् तथ्यः न, अपितु केवलं एकं मतम् अस्ति। मातुः विन्ध्यवासिन्याः चरणयोः उपविश्य सा अवगतवती यत् शक्तिः कस्यचित् पदस्य कारणेन न, अपितु तस्याः कृपया जनानां विश्वासेन च प्राप्यते।

तस्याः अनुसारं सर्वात् महत्त्वपूर्णा शिक्षा एषा आसीत् यत् स्वकीयजीवनाय दृष्टानि स्वप्नानि पूर्णानि जातानि, अधुना स्वजनानां कृते दृष्टानि स्वप्नानि जीवितुं समयः आसीत्। अस्य जीवनस्य वास्तविकं सुखं तदा अनुभूतं, यदा प्रथमवारं कस्यचित् परिवारस्य भूमेः अधिकारः प्राप्तः, कश्चित् दिव्याङ्गः सम्मानपूर्वकं जीवनं यापयितुम् अवसरं प्राप्तवान् तथा च कस्यचित् कृषकस्य क्षेत्रे जलं प्राप्तम्। जनानां संघर्षेषु सहयात्रां कुर्वती सा अवगतवती यत् प्रत्येकस्य शासकीयपत्रस्य पृष्ठतः एकः मनुष्यः अस्ति तथा तस्य गरिमायाः संरक्षणमेव न्यायः अस्ति।

सा लिखितवती यत् सा मूर्खा आसीत् या चिन्तितवती यत् सा किञ्चित् दातुं आगता अस्ति। वस्तुतः सर्वाधिकं सा एव प्राप्तवती, तेन च ऋणेन अधिकं वर्धितम्। जनाः तस्याः प्रसन्नतायां तस्याः अपेक्षया अधिकं प्रसन्नाः भवन्ति स्म। यदा सा स्वयं श्रान्ता अथवा भग्ना आसीत्, तदापि जनाः तां पूर्ववत् विश्वासेन पश्यन्ति स्म। एतेनैव तस्यै निरन्तरं अग्रे गन्तुं साहसं प्राप्तम्। तस्यै जनैः एतावत् प्रेम, सम्मानम् आत्मीयता च प्राप्ता यत् तस्याः झोली पूर्णतया पूरिता अभवत्। अस्मिन् तस्याः सहकर्मिणां, अधिकारिणां तथा कर्मचारिणां च महत्त्वपूर्णं योगदानम् आसीत्, ये तस्याः सह स्कन्धेन स्कन्धं मिलित्वा कार्यं कृतवन्तः तथा च दृढतया तस्याः पक्षे स्थितवन्तः।

सा लिखितवती यत् अद्य कृतज्ञतया तस्याः नेत्रे अश्रुपूर्णे स्तः। तस्याः मनसि केवलम् एकं दृश्यं स्थितम् अस्ति। लहुरियादहस्य पर्वतस्य सा वृद्धा माता, यदा तस्याः ग्रामे प्रथमवारं जलं प्राप्तम्, तदा सा किमपि न उक्तवती। केवलं कम्पमानहस्ताभ्यां तस्याः मस्तकं स्पृष्ट्वा आशीर्वादं दत्तवती। पदं तु अद्य त्यक्तम्, परन्तु तत् स्पर्शनं जीवनपर्यन्तं न विस्मरिष्यति। तथा च देशस्य अस्याः भूमेः यत् स्वप्नं तस्यै प्राप्तम्, तत् अपि कदापि न त्यक्ष्यति।

विधानसभा निर्वाचनं प्रति स्पर्धायाः चर्चा तीव्रा

आईएएस-अधिकारी दिव्या मित्तलस्य त्यागपत्रस्य अनन्तरं राजनीतिकक्षेत्रे हलचलः तीव्रा अभवत्। सूत्राणां अनुसारं स्वकीयत्यागपत्रे सा मीरजापुरस्य उल्लेखं अनेकवारं कृतवती अस्ति। सूत्राणां दावानुसारं दिव्या मित्तला मीरजापुरतः विधानसभानिर्वाचनं स्पर्धितुम् इच्छति।

कथ्यते यत् मीरजापुरे नियुक्तिकाले तया लहरियादहपर्वतस्य ग्रामे जलं प्रापितम् आसीत्। ततः अनन्तरं तस्याः केन्द्रीयमन्त्रिण्या अनुप्रिया पटेलेन सह विवादस्य चर्चा अपि पुरतः आगता आसीत्। सूत्राणाम् अनुसारं अस्यैव प्रकरणस्य अनन्तरं तस्याः स्थानान्तरणम् अभवत्। अनुप्रिया पटेलेन एव तां मीरजापुरतः स्थानान्तरितां कारितवती इति चर्चा अस्ति। तथापि अस्मिन् सम्पूर्णे प्रकरणे अद्यावधि आधिकारिकं वक्तव्यं न प्रकाशितम्।

---------------

Hindusthan Samachar / Dheeraj Maithani