Enter your Email Address to subscribe to our newsletters
पूर्वी सिंहभूमः, 31 अगस्तमासः (हि.स.)।मोतीलालनेहरू-पब्लिक-विद्यालयस्य सभागारे सोमवासरे सृजन-हिन्दी-परिषदः तत्त्वावधाने गोस्वामितुलसीदासस्य ५२९-तमजन्मजयन्त्याः अवसरे भव्यः तुलसीजयन्तीसमारोहः आयोजितः। समारोहस्य माध्यमेन छात्रान् भारतीयसंस्कृत्या, साहित्येन, परम्पराभिश्च सह संयोजयितुं तथा स्वकीयायाः सांस्कृतिकविरासतायाः प्रति सम्मानभावं विकसितुं सन्देशः प्रदत्तः।
समारोहे विद्यालयस्य नर्सरी-कक्षात् आरभ्य द्वादश-कक्षापर्यन्तं विद्यार्थिनः विविधासु सृजनात्मकासु साहित्यिकप्रतियोगितासु च उत्साहपूर्वकं भागं गृहीतवन्तः। लघुबालकानां कृते रामचरितमानसस्य पात्राणाम् आधारेण वेशभूषाप्रतियोगिता आयोजिता। एलकेजी तथा यूकेजी-कक्षयोः विद्यार्थिनः वर्णपूरणप्रतियोगितायां स्वप्रतिभां प्रदर्शितवन्तः। प्रथमकक्षायाः छात्राः कोलाजप्रतियोगितायां तथा द्वितीयकक्षायाः विद्यार्थिनः चित्राङ्कनप्रतियोगितायां भागं गृहीतवन्तः।
तृतीयकक्षायाः विद्यार्थिभिः रामचरितमानसस्य पात्राणाम् अनुकृतिः प्रस्तुतिता। चतुर्थकक्षायाः छात्राणां कृते चौपाईप्रतियोगिता आयोजिता।
कार्यक्रमे साहित्यकारः, वक्ता, वास्तुविद् च शैलेन्द्र-अस्थाना तथा साहित्यकारः अनिरुद्ध-त्रिपाठी ‘अशेषः’ मुख्यातिथिरूपेण उपस्थितौ आस्ताम्। विद्यालयप्रबन्धनसमित्याः अध्यक्षः अखिलेशदुबे, महासचिवः लल्लनप्रसादरायः, समितेः अन्ये सदस्याः अतिथयश्च संयुक्तरूपेण दीपप्रज्वलनं कृत्वा समारोहस्य शुभारम्भं कृतवन्तः।
अस्मिन् अवसरे उत्तरप्रदेश-सङ्घस्य पदाधिकारिणः, विद्यालयस्य प्राचार्या सङ्गीतासिंहः, उपप्राचार्या राखीमित्रा, एक्सीलेन्स-उपप्राचार्या बिन्दुआहूजा, प्लस-टू-संयोजिका स्मितामजूमदारः, हाईस्कूल-संयोजिका पिकूकुमारी तथा प्राइमरी-संयोजिका इन्द्राणीभौमिकः सहिताः विद्यालयस्य शिक्षकाः शिक्षिकाश्च उपस्थिताः आसन्।
कार्यक्रमे विविधप्रतियोगितानां विजेतृभ्यः प्रतिभागिभ्यश्च विद्यार्थिभ्यः पुरस्कारान् प्रदाय सम्मानिताः कृताः। कार्यक्रमस्य सञ्चालनं अनुष्का-कुमारी, मुकुलदेवः तथा सृजनश्रीः इत्येते कृतवन्तः।
---------------
Hindusthan Samachar / Dheeraj Maithani