प्रकृतेः रक्षकस्य सन्तुलनस्य च प्रतीकस्य महादेवस्य चरणयोः प्राकृतिकसन्तुलनाय प्रार्थनावाराणसी, ३१ अगस्त (हि.स.)। उत्तरप्रदेशस्य वाराणसीनगरे स्थिते श्रीकाशीविश्वनाथधामे सोमवासरे पर्यावरणसंरक्षणस्य आह्वानं कृतम्। सन्देशः प्रदत्तः यत् यदि प्राकृतिकविपद्भ्यः रक्षितुम् इच्छामः, तर्हि सर्वैः प्रकृतेः प्रति स्वकर्तव्यं ज्ञातव्यम्।

धामे गङ्गासेवकस्य राजेशशुक्लस्य नेतृत्वे नमामिगङ्गे-स्वयंसेवकैः वस्त्रनिर्मितानि झोलकानि वितरितानि। हानिकारकस्य एकवारप्रयोग्यस्य पॉलिथीनस्य उपयोगं न कर्तुं श्रद्धालुभ्यः अपील् अपि कृता।

गङ्गासेवकः राजेशशुक्लः श्रद्धालुभिः सह देवाधिदेवस्य महादेवस्य समक्षं प्रार्थनां कृत्वा उक्तवान्— “हे महादेव! अस्मभ्यं एतादृशम् आशीर्वादं ददातु यत् वयं प्रकृतेः दोहनं न, अपितु तस्याः पोषणं कर्तुं शिक्षेमहि। अस्यां सुन्दरवसुन्धरायां समस्तेषु प्राणिषु परस्परं सामञ्जस्यं प्राकृतिकसन्तुलनं च सदा भवतु। हे अर्धनारीश्वर! अस्यां सृष्टौ पुरुषस्य प्रकृतेश्च सन्तुलनं धारयतु। स्वं रौद्ररूपं शमयित्वा अस्यां धरायां सुखस्य, शान्तेः समृद्धेश्च वर्षां करोतु। अस्माकं वनानां, पर्वतानां, जीवजन्तूनां नदीनां च रक्षणं करोतु।”

राजेशशुक्लः उक्तवान् यत् स्वर्णिमस्य सुरक्षितस्य च भविष्यस्य कृते पर्यावरणसंरक्षणम् आवश्यकम् अस्ति। यदि मनुष्यः समये एव न चेतति, तर्हि प्रकृतिपर्यावरणयोः संरक्षणे विलम्बः मानवतायाः सुरक्षितभविष्याय महती चुनौती भवितुम् अर्हति।

आदिकालादेव पर्यावरणस्य मानवस्वास्थ्यस्य च गहनः सम्बन्धः अस्ति। विगतेषु कतिपयदशकेषु भौतिकविकासे आकस्मिकरूपेण तीव्रा वृद्धिः अभवत्, या अस्माकं पर्यावरणीयस्वास्थ्याय अनुकूलं नास्ति।

तेन उक्तं यत् आगच्छन्तु, वयं सर्वे मिलित्वा पर्यावरणीयपरिस्थितीनां सामना कर्तुं सहकारात्मकं सहयोगात्मकं सहभागी च दृष्टिकोणं स्वीकुर्मः। प्रत्येकस्य जनस्य प्रकृतेः रक्षणाय कार्यं करणीयं स्वकीययोगदानं च दातव्यम्।

अस्मिन् आयोजने रमेशः, दिलीपः, नितिनः, रसिकः, गोविन्दः, बीना, रीता, सीता इत्यादयः श्रद्धालवः सहभागितां कृतवन्तः।

Hindusthan Samachar / Dheeraj Maithani