नवदिल्ली, ३१ अगस्तमासः (हि.स.)। प्रधानमन्त्री नरेन्द्रमोदी सोमवासरे देशस्य प्रथमत्रैमासिकस्य जीडीपी-विवरणान् उत्साहवर्धकान् वर्णयन् तस्य श्रेयः देशस्य सामूहिकशक्तये अददात्। सः देशस्य प्रगतेः विषये संशयं कुर्वतां जनान् प्रति अपि कटाक्षं कृतवान्। सः अवदत् यत् “निराशावादिनः मिथ्याप्रमाणिताः, भारतं च पुनरपि समृद्धिम् अलभत्।”

प्रधानमन्त्री ‘एक्स्’ इति सामाजिकमाध्यमे अवदत् यत् तैलमूल्येषु उत्पन्नानां आघातानां, आपूर्तिशृङ्खलायां जातानां व्यवधानानां, वैश्विक-अनिश्चिततानां च अभावेऽपि वित्तवर्षस्य २०२६-२७ प्रथमत्रैमासिके वास्तविक-जीडीपी-वृद्धिः ७.८ प्रतिशतं महती उपलब्धिः अस्ति। अस्माकं जनानां सामूहिकशक्त्या भारतं एतादृशीं वृद्धिम् प्राप्तुं समर्थम् अभवत्।

उल्लेखनीयं यत् अद्य प्रकाशितानाम् विवरणानाम् अनुसारं वित्तवर्षस्य २०२६-२७ प्रथमत्रैमासिके भारतस्य वास्तविक-जीडीपी ८१.३६ लक्षकोटि-रूप्यकाणि भवितुम् अनुमानितम् अस्ति। एतत् गतवित्तवर्षस्य समान-त्रैमासिकस्य ७५.४६ लक्षकोटिरूप्यकेभ्यः ७.८ प्रतिशतं अधिकम् अस्ति।

Hindusthan Samachar / Divya Ranjan